壹食就醉

营业中

休息中

一向食嘢唔戒口，就算病都继续要食好嘢，甘啱病嘅时候正值下雨天，搞到冇心情系屋企煮饭，就出街食。朋友介绍位于尖沙咀闹市中的一间小菜馆，招牌装修以红色为主，一上到餐厅感觉置身于家中一样，有住家饭食咁。餐牌多款选择，除咗小菜之外，仲有得食懒人打边炉。由于我哋有四人，就决定食小菜送白饭。椒盐系列系我至爱，当然唔少得叫一份椒盐鲜鱿啦。鱿鱼嘅份量都颇多，而且面头铺满炸蒜，旁边仲有几粒番茄仔做配衬。食落去椒盐鱿鱼的外皮唔算太厚，反而好香脆可口，鱿鱼肉爽口弹牙，新鲜滋味。由于我哋四人太大食了，一共叫了七款小菜，竟然全部俾我哋食晒，当中包括椒丝腐乳通菜、姜葱爆顺德鲩鱼腩、沙嗲金菇肥牛煲、姜葱霸王鸡、XO酱爆花枝片同埋黄金虾。另外我哋仲有每人叫一碗白饭送小菜，我哋认真大食，最重要系每一款食物都非常新鲜，即叫即整，炒得好有镬气。