影片
更多
2008-07-02
52 浏览
依排天气唔多好，间中整场骤雨，仲要劲大𠮶只，次次都打波先哩落雨，好无瘾！遇啱有老友生日，一于庆祝庆祝食番餐，消消闷气，既然消闷气，就揾间好食D嘅，有人气嘅，就金山啦，一于食豪少少咁话！一行五人，拣咗上栖位，（金山除地铺，二、三楼都有铺位），贪佢稍为静局D，不过，一到8:00pm旺场时间，都系变番嘈嘈闭架喇。五个人，六个𩠌，够晒啦！为顾及各人偏好，又唔可以叫晒海鲜，咁就先嚟个小食食住先，沙姜鸡脚，可惜我哋唔好酒，如果唔系送住啤酒「lun」鸡脚，几爽呀！一路食住个鸡脚，一路谂叫乜！谂掂！肉类，叫咗个云英鸡（又系鸡，有老友真系好钟意食鸡）同黑椒牛柳粒。个鸡够嫩又够味，果然云英未嫁，不过老实咁讲，又嫩又滑嘅鸡好多地方都食到，依度嘅又未至于「氹」一声好特别！而个牛柳粒好软腍，但又唔似用梳打「嗱」到松晒咁，食落无渣，惹味够镬气。蔬菜类，胜瓜浸煮贵妃蚌，无咩意见，OK啰！轮到海鲜类，椒盐濑尿中虾同豉椒炒蛏子皇！前者真系几正，虾身好大只吓，啖啖肉，椒盐爆炒非常入味，又无过咸，够香口；相反，个蛏子皇其实都唔错，但稍为失色少少，豉椒都惹味但唔及椒盐咁抢，而蛏子皇无咁有肉地，又唔算好爽身，感觉差少少。饭后送
一行五人，拣咗上栖位，（金山除地铺，二、三楼都有铺位），贪佢稍为静局D，不过，一到8:00pm旺场时间，都系变番嘈嘈闭架喇。
五个人，六个𩠌，够晒啦！为顾及各人偏好，又唔可以叫晒海鲜，咁就先嚟个小食食住先，沙姜鸡脚，可惜我哋唔好酒，如果唔系送住啤酒「lun」鸡脚，几爽呀！一路食住个鸡脚，一路谂叫乜！
谂掂！肉类，叫咗个云英鸡（又系鸡，有老友真系好钟意食鸡）同黑椒牛柳粒。个鸡够嫩又够味，果然云英未嫁，不过老实咁讲，又嫩又滑嘅鸡好多地方都食到，依度嘅又未至于「氹」一声好特别！而个牛柳粒好软腍，但又唔似用梳打「嗱」到松晒咁，食落无渣，惹味够镬气。
蔬菜类，胜瓜浸煮贵妃蚌，无咩意见，OK啰！
轮到海鲜类，椒盐濑尿中虾同豉椒炒蛏子皇！前者真系几正，虾身好大只吓，啖啖肉，椒盐爆炒非常入味，又无过咸，够香口；相反，个蛏子皇其实都唔错，但稍为失色少少，豉椒都惹味但唔及椒盐咁抢，而蛏子皇无咁有肉地，又唔算好爽身，感觉差少少。
饭后送糖水，绿豆沙，都有食。不过，食完金山再过斜对面嘅松记整多碗，咁先至完美！
张贴
