合興

营业中

休息中

记得有个饮食节目讲过九龙湾出名食椒盐粟米，但呢个地方对我黎讲好唔就脚。适逢要去九展睇show，睇完好肚饿，就行去启业邨食宵夜(其实系晚餐黎🤣)。 椒盐粟米真系好好味，好大碟好多旧，粟米烤得好香又唔会太㶶，椒盐份量恰当，惹味得黎仲食到粟米嘅香甜。 朋友想试吓酸菜鱼，姑且一试d鱼好多骨，有d腥，个汤ok但唔知点解d鱼唔入味。唔推荐。 沙拉骨啖啖肉，味道唔差。但沙律酱太多令到个观感唔太好，我食之前都拨走左差唔多一半沙律酱都够味。 其实主力都系为左食椒盐粟米，其他都系randomly 叫，同埋朋友呢排要戒口唔食得牛同其他海鲜，内脏我都唔好意思叫。所以拣嘅其他野未必系佢地最撚手同最邪恶嘅，有d可惜。希望之后有机会再黎食啦。