金飯館

营业中

休息中

某日同朋友去左牛头角附近行街,之后见到呢间叫金饭馆既餐厅,个名几特别咁就同朋友入左去食,呢间餐厅主打系椒盐猪扒饭,装潢以白色为主简洁清晰仲配有几幅油画挂墙度,我地叫左一碟椒盐猪扒饭,呢度所有食物都系即叫即整既,所以要俾15分钟时间等一等,饭系炒饭底金黄色大大碟,猪扒好大堍,加埋椒盐同D辣椒丝真系好惹味,炒饭底好香,猪扒入味弹牙,之后我地仲叫左碟兰王蛋沙爹牛肉饭,兰王蛋两个橙王色蛋黄加流心效果,炒饭好有镬气,沙爹牛肉好香浓沙爹味,店员亲切友善,仲有柠檬茶系用左青柠同黄色柠檬两种柠檬,小编推介小食系蜜糖鸡翼,鸡翼比起其他地方既厚肉好多,加埋蜜糖汁热辣辣即炸,真系好正,外脆内软。