麗島小廚 (已結業)

个个都话返大陆食椰子鸡煲，试过之后我都系觉得呢一间石门嘅鸡煲店好啲，呢度啲鸡系嫩滑啲，国内啲鸡系韧啲同鞋啲。今晚要咗半只鸡嘅椰子鸡煲，鸡件非常新鲜有冇瘀血而且份量非常足。佢个汤底都有几多材料，当然最重要就系喺你面前倒落去𠮶个椰青水啦，另外汤底入面都有一啲椰子肉喺度，难怪食落去会有一种清润嘅感觉。侍应叫我哋汤滚咗先至放鸡落去然后滚5分钟就可以开盖，先饮鸡汤同埋食鸡，食到7788兼饮够鸡汤之后就可以开始落其他配料打边炉。因为呢度嘅份量都多，所以只系叫咗冬瓜件同埋黑毛猪猪颈肉片，两样都好新鲜。