四季文昌 (已結業)

四季文昌今晚约左同事去公司附近试新野，成日行过见到四季文昌几正，今晚终于book左黎试下！ 铺头墙上装饰都几靓，好有书卷味！叫左个6人份既竹笙椰子鸡套餐，个餐样样都有d，都几抵食！ 三文鱼拼北寄贝刺身，冰震上枱慢慢食都唔怕变坏，三文鱼切得唔厚唔薄岩岩好，色泽好靓，食落好肥美好新鲜，北寄贝大大片都好鲜甜好味！ 一级腊味芋头煲仔饭，腊肉葱花芋头切得都细细粒放上饭面，大大煲卖相都觉得好吸引，芋头好香又淋，又似食紧糯米饭，又冇糯米饭咁济，加埋特制豉油捞埋一齐食好惹味！竹笙椰子鸡，一打开劲香椰子味，椰子味完全渗入晒落d鸡度，鸡肉嫩滑唔鞋口，又大大锅好好味！ 黑豚腩片，薄薄一片片，滚两滚就食得，肥瘦比例岩岩好，肉质好嬾滑好淋，索埋椰子汤底味更加好味！