麗島小廚 (已結業)

今晚试了一间以鸡煲做主打的餐厅，见佢个椰子鸡煲好似几吸引，加上其中一个朋友唔系好食得辣，与其叫BB辣的鸡煲咁无瘾，不如试吓叫椰子鸡煲啦。呢度嘅鸡煲嘅鸡同个汤系分开黎嘅，个伙记会等个汤滚起咗嘅时候帮你倒D鸡落个汤底度，因为系椰子鸡煲，所以会有一个椰青，会喺落鸡嘅时候落埋落个汤度，个椰青仲有D椰子肉可以刮出黎食。除咗半只鸡之外我地仲叫咗一份云吞、一份炸鱼皮同埋一份墨鱼滑，云吞新鲜好食，炸鱼皮超级巨型，其他地方好似都无食过咁大块嘅炸鱼皮，而个墨鱼滑亦都新鲜好食，仲有两条咁多，值得encore