四季文昌 (已結業)

个个都话食椰子鸡一定要上大陆食，相反，每次我谂起椰子鸡就会想起喺旺角嘅四季文昌。每逢节日四季文昌一定有新搅作，临近白色情人节一于去望下。今次有新套餐，叫「花系土鸡套餐」里面有「玫瑰花椰子鸡锅海胆茶叶蛋拼辣鸡肾手切黑安格斯牛肉海鲜火锅拼盘（有蛏子，脆肉鲩片，托托蚬）博多土鸡拼盘鸡肾，鸡子，鸡背肉及鸡软骨鸡肉滑日本直送菜篮/紫菜响铃土鸡肉玉子煲仔饭/土鸡杂煲仔饭」今次个前菜用海胆茶叶蛋拼麻辣鸡肾，海胆茶叶蛋比较特别，呢个组合都系第一次见，味道原来都几夹，只系鸡肾真系辣咗啲，令我系咁饮水。个椰子鸡锅一如以往都系用海南文昌鸡，肉质真系特别滑溜，椰子汤底校较鲜甜，每次都要饮番两碗，个手切安格斯牛牛味比较浓郁，入口即溶简直系我嘅至爱啊。个海鲜拼盘个蛏子都几大只，蚬肉都好鲜甜，土鸡拼盘我净系稍为唔钟意个鸡子，因为我都比较少食内脏，不过个鸡软骨鸡肉滑就好特别喇，将个鸡肉做到成个肉饼咁，又有口感⋯呢个餐仲有一个煲仔饭，一开盖已经见到只生鸡蛋真系好吸睛啊，饭味又够香，呢个餐真系好抵食，唔会唔够饱👍🏻