安南 (利園二期)

营业中

休息中

我身边有啲人都赞呢间安南好食，前几日食完，我觉得佢唔难食，不过绝对唔会推荐，如果真系一定要赞嘅⋯⋯我谂我净系会赞佢个椰子雪糕好食，其他就普通普通。其实𠮶晚我哋嗌咗好多嘢食，不过个味道令到我都冇乜心机影相，例如，睇餐牌嘅时候觉得个庶虾好吸引，所以一定要叫，碟𩠌嚟咗之后其实卖相都仲好靓仔，当我第一啖咬落去，「X」个虾胶薄到好似块皮咁，搞到成个风味冇晒、蒜蓉牛油鸡翼就蒜蓉同牛油味都唔够、猪颈肉就太瘦、仲有一个蟹肉炒粉丝，直程唔知做乜春，食极都估唔到佢系炒嘅，味道偏淡、相反生牛肉河又偏咸，真心反晒白眼🙄，不过口味嘅嘢始终每个人都唔同，𠮶啲人讃得就自然有佢钟意食嘅味道，又或者佢钟意食偏咸嘅生牛河。