荷華庭園景餐廳 (已易手) 新餐厅

放假又唔想出城市同人迫，又想跟大人拖手仔，就揸架车出去游吓车河四围揾嘢食，D车友就叫我去大埔林村行吓话个边有间餐厅几有情调又坐得舒服，有D似以前嘅旧式西餐厅，所以就带咗大人去食仲懒醒跟大人讲今晚我话事。初初仲以为好偏远，但如果识去林村就已经可以见到间餐厅，去到有室内同室外待应仲好细心问我哋想坐边，我望咗一阵就决定坐室外因为我见到有户外冷风机应该唔会太热，餐厅仲细心到安排埋蚊香跟蚊怕水俾我哋，等我哋可以舒舒服服咁食餐饭，落order嘅时候仲好细心咁提醒我哋，餐应份量会偏大少少，建议我哋先叫部分，唔够先再加单服务非常细心，咁我哋先叫份大虾沙律同埋一份猪手再加2杯饮品。大虾沙律卖相相当唔错，面有冻虾啦个虾又甜又爽身下面全系时令生果仲系冻嘅，个猪手初初以为系脆卜卜个只，原来系旧式方法去做嘅即系猪皮系烟烟靭靭又唔肥腻嘅，肉质又唔会鞋味道，食完依2个𩠌大人话饱㖞，但就食得落甜品，所以就叫咗梳乎里，依个甜品好松又唔会太甜仲有蛋香味食完餐饭大人仲赞我叻仔。