楚撚記大排檔 (日富里百好大廈)

营业中

休息中

食过楚撚记几次，味道好之余又唔贵，成日都想约埋班朋友再嚟encore！不过平时经过都要等成个几钟，今日早放经过见唔使等位，咁就即刻入咗去食！第一样就点我最爱嘅楚撚记原只脆皮炸猪手，会有芥辣同埋泰式辣酱跟埋，个猪皮炸得脆卜卜又多肉，好好味呀真系！仲有叫咗个避风塘鲜鱿，配喼汁，香口之余又唔会太辣，层炸粉厚度适中，鱿鱼够哂弹牙！啫啫唐生菜煲，上菜𠮶阵仲渣渣声，再加埋虾酱虾干，好惹味！招牌猪油饭，嚟到楚撚记真系唔可以唔嗌佢，芫茜同葱分开两个兜，劲体贴，再加上酱油猪油，好邪恶但我钟意，真系食两碗都唔够皮！饮品就紧系要叫啤酒啦，用战斗碗饮劲有风格！两人队一支青岛，满足！