影片
更多
2020-12-11
3472 浏览
系你喇😏 《楚撚记大排档》🥢香港好食既大排档已经买少见少、但系呢间个人来讲系真系几钟意🤗款式几新颖、听闻经常大排长龙😲所以记得book位呀下🤫🦑香煎黑松露莲藕墨鱼饼 （$88）松露味都算出！好多莲藕粒🤤好爽口！墨鱼饼厚身得黎口感QQ的！食落好有咬口！而且炸得够干身！冇滴油！（呢个我见都几多人叫㗎！够香口）🌽黄金椒盐粟米 （$58）咸蛋黄真系俾得唔孤寒、而且好浓味！粟米炸得出色👍🏻好香脆同充满咸香味！特别钟意个咸蛋黄酱偏甜😻呢间系我食过最好食嘅黄金粟米！（我直头刮起晒个底啲咸蛋黄酱送饭）🐟椒盐白饭鱼 （$72）呢个份量真系细咗啲🙄椒盐味唔系好出！比啱啱上面两款来讲失色左小小！上枱后快啲食呀、冻左林左更加失色😂（椒盐白饭鱼来讲好普通）🦪豉椒炒蚬 （$89）份量适中、味道少少偏咸！不过不失同平平无奇既之间🤓（可以唔洗叫 留返个位叫第二啲）🦑椒盐避风塘水鱿 （$68）呢个我地全部人都误会咗😂我哋以为系炸嘢香口野、点知黎到系成碗都系汁的湿野😂呢道菜就真系有啲失望、个味好似食车仔面果啲沙嗲汁个杰板！味道冇特别、不过鲜鱿几新鲜爽口！另外仲有𠮶啫啫鸡煲同埋福建炒饭、都系正正常常啦冇乜特别要介绍、佢呢间
系你喇😏 《楚撚记大排档》🥢
香港好食既大排档已经买少见少、
但系呢间个人来讲系真系几钟意🤗
款式几新颖、听闻经常大排长龙😲
所以记得book位呀下🤫
🦑香煎黑松露莲藕墨鱼饼 （$88）
松露味都算出！好多莲藕粒🤤
好爽口！墨鱼饼厚身得黎口感QQ的！
食落好有咬口！而且炸得够干身！冇滴油！
（呢个我见都几多人叫㗎！够香口）
🌽黄金椒盐粟米 （$58）
咸蛋黄真系俾得唔孤寒、而且好浓味！
粟米炸得出色👍🏻好香脆同充满咸香味！
特别钟意个咸蛋黄酱偏甜😻
呢间系我食过最好食嘅黄金粟米！
（我直头刮起晒个底啲咸蛋黄酱送饭）
🐟椒盐白饭鱼 （$72）
呢个份量真系细咗啲🙄椒盐味唔系好出！
比啱啱上面两款来讲失色左小小！
上枱后快啲食呀、冻左林左更加失色😂
（椒盐白饭鱼来讲好普通）
🦪豉椒炒蚬 （$89）
份量适中、味道少少偏咸！
不过不失同平平无奇既之间🤓
（可以唔洗叫 留返个位叫第二啲）
🦑椒盐避风塘水鱿 （$68）
呢个我地全部人都误会咗😂
我哋以为系炸嘢香口野、
点知黎到系成碗都系汁的湿野😂
呢道菜就真系有啲失望、
个味好似食车仔面果啲沙嗲汁个杰板！
味道冇特别、不过鲜鱿几新鲜爽口！
另外仲有𠮶啫啫鸡煲同埋福建炒饭、
都系正正常常啦冇乜特别要介绍、
佢呢间其实系真系啲黄金嘢/炒/炸野/
果d好食、可以狂叫佢啲黄金菜单！
（下次嚟试埋我想试果个燕麦金沙虾球先）
____________________________
_______score:8/10
地址：土瓜湾马头围道187号地下2及4号铺
张贴
