石一燒 (九龍城) (已結業)

今日同朋友去咗间系九龙城既和牛烧肉店，食物质素真系冇话讲！我哋拣咗极上和牛盛会（$698），份量好多好够食，同埋有好多款式嘅和牛试，真系食到舌尖上嘅享受😍😍首先嚟紧就系和牛盛会，个碟上摆满满嘅精选和牛，每块肉都好鲜嫩多汁，肉质真系无得挑剔！九州A4和牛三角同埋上前腿肉都系我哋钟意款式，三角肉厚切，油脂丰富，口感嫩滑，肉汁丰富。上前腿肉就更加嫩滑，入口即化，真系和牛嘅极致享受！澳洲和牛封门柳肉质鲜美，咬落去有嚼劲，肉味好香浓！前菜方面，有三款精致嘅小菜，分别系甜酸辣三种口味有炸脆奶卷，蟹柳，同埋辣伴带子裙边，另外仲有一盘沙律，沙律清爽可口，好好味！樱花虾味噌汤都好特别，汤底浓郁香醇，加上大量樱花虾系面，令人回味无穷。菇密会就系一盘各款鲜美菇类，烧烤后更加鲜甜，好适合搭配和牛享受！我地叫左一个饭同一个升级左乌冬！乌冬弹牙有嚼劲，汤头鲜美，好解饱。甜品方面，有自己整抺茶加落雪糕到，完美嘅结尾！中间我地仲叫左杯啤酒，佢地宜家有个挑战，如果女仔9秒饮哂就可以送多一杯，可惜我饮得太慢失败左🤣🤣埋完单仲送左个刮刮卡，抽中左一枝红酒可以下次用📍 石一烧 (九龙城) (九龙城)九龙城启德道55号AVA5