影片
更多
2015-12-08
10242 浏览
基于食物质素唯有俾ok食评啦, 但监于自助餐的安排, 其实系想俾负评!从没有试过一个自助餐系咁繁忙,唔系员工繁忙,系食客都好繁忙,极不享受!!因好朋友生日而预先一个月book左Mr. Steak, 生日当天预早十分钟到达现场, 但由于未踏正用餐时间19:30, 所以未能安排入场。而用餐当日系闲日,但仍出现full booking, 相信质素应该可以,才会人潮拥拥吧?!场内环境亦不错, 颇为宽敞,感觉都几舒适~第一个印象系好好呀!点知…用餐时间一开始…感觉已经不良好, 人群四面八方拥去冷盘位置, 当然熟食地带就变得好冷清,只有小猫三四只, 而首轮取餐要排队都好正常!排队拎生蚝的人群最惊吓, 排一排队便会消去你15至20分钟或以上的时间, 而每一次每人只可以取得3只生蚝! 的确, 生蚝系即场生开, 保证新鲜, 而且味道好好! 但每次都要用咁多时间去排队, 而自助餐时间由19:30至10:30…三个钟可以食到几多只?如果剩系去排生蚝,咁其他食物根本拎唔到, 所以我亦只排了两次。开生蚝及洗生蚝的只有两名员工! 呢个安排已经好有问题!!唔怪得条人龙排得咁慢, 员工慢慢开、慢慢冲洗、人龙就慢慢行…
基于食物质素唯有俾ok食评啦, 但监于自助餐的安排, 其实系想俾负评!从没有试过一个自助餐系咁繁忙,唔系员工繁忙,系食客都好繁忙,极不享受!!
因好朋友生日而预先一个月book左Mr. Steak, 生日当天预早十分钟到达现场, 但由于未踏正用餐时间19:30, 所以未能安排入场。而用餐当日系闲日,但仍出现full booking, 相信质素应该可以,才会人潮拥拥吧?!
场内环境亦不错, 颇为宽敞,感觉都几舒适~第一个印象系好好呀!
点知…用餐时间一开始…感觉已经不良好, 人群四面八方拥去冷盘位置, 当然熟食地带就变得好冷清,只有小猫三四只, 而首轮取餐要排队都好正常!
排队拎生蚝的人群最惊吓, 排一排队便会消去你15至20分钟或以上的时间, 而每一次每人只可以取得3只生蚝! 的确, 生蚝系即场生开, 保证新鲜, 而且味道好好! 但每次都要用咁多时间去排队, 而自助餐时间由19:30至10:30…三个钟可以食到几多只?如果剩系去排生蚝,咁其他食物根本拎唔到, 所以我亦只排了两次。开生蚝及洗生蚝的只有两名员工! 呢个安排已经好有问题!!唔怪得条人龙排得咁慢, 员工慢慢开、慢慢冲洗、人龙就慢慢行…相信呢个都系餐厅策略之一, 明明可以多安排两名员工来处理呢一部份, 但应该系为了成本问题, 而必须令客人久候!
另一冷盘蟹脚, 头一轮都多人排, 排了8分钟左右, 头一次摆出来的蟹脚比较过后期的, size的确大只好多、震撼好多, 之后都变成普通货, 所以中段已再无人问津。而味道上咸了少少, 但仍食到鲜甜, 味道算唔错。
再到剌身类, 系继生蚝之后, 另一多人排的冷盘! 总类唔多, 三文鱼及其他鱼刺身都ok,普普通通, 最出色的都系个带子刺身, 虽然size细细但味道鲜甜,值得再试。
其间有一个限时推出~甜虾海胆…全名都唔记得系叫乜, 但其实一啲特别都冇,个名就改得几吸引…印象中。但实物却不外如是, 去食日式放题啲质素都好过佢, 甜虾好细只, 𠮶一点海胆…好失礼, 沽寒得好可怜…味道?一般,唔值得去排队啰! 可笑的限时推出!而且供应量不足, 根本供应唔到每人一份!多余的。
更可笑的是, 可能呢度有限时推出食品, 5分钟后另一边又一款限时食品, 但每个限时食品都有人龙, 而当你刚好排完呢条人龙, 另外人龙食品亦刚好派完, 所以其实只可以二选一。如果两个人去用餐, 大概只可以一个人坐著看守手袋, 另一人去排队,而每人限取一份……即朋友拎返嚟的食物都要share一半, 大闸蟹都仲可以分一半,一只甜虾一只细鲍鱼仔又点分?最搞笑系有客人投诉排队得到嘅大闸蟹系臭的…唯有下次请早吧!仲有一个限时推出的片皮鸭…质素认真麻麻! 肉唔够片得薄而且肉质偏老, 配料又唔够香, 吸引何在?
每到一款限时推出都会人头拥拥, 个场好似好热闹咁…但sorry!唔系每个人都钟意去排队,同人争同人抢,而我们只想轻松去享受一个悠闲的自助晚餐!
所以, 其实每一边响起限时供应啷啷声, 就会见到一大班人由左跑到右,再由右跑到左, 正所谓”执输行头惨过败家”! 但抢到手的食物质素其实味道只属一般…相当可笑啰!
餐厅仲有个心意流心蛋糕, 可以叫师傅写上自己心意送俾朋友, 呢个算系最有心思的唯一可取之处。
甜品栏好似选择都几多, 但称得上好食只有牛乳布丁,其他睇下就算~
至于回头指数就一定系零啦！排队时间多过食野！
张贴
