影片
更多
2018-02-15
141 浏览
铜锣湾闹市新开一间私房菜叫做《忠记咖啡屋‧私房菜》，位于闹市区嘅渣甸中心，而且地下有灯箱卖广告，所以好容易就揾到。餐厅灯光光猛，而且座位宽阔，职员态度殷勤亲切，随即就俾咗一壶茶就系南岩铁观音我哋湿湿口。之前已经订咗六位，每个人只系＄398，就可以食到十款以上嘅𩠌菜。首先来两大碟嘅夏日丰盛五小碟，冷盘分别系鸭舌、番茄仔同埋芽菜，热食就系蒜香鸡软骨同埋椒丝炒椰菜。每一款都各有味道各有特色，我最钟意就系食辣辣地嘅椒丝炒椰菜，椰菜炒得好入味，同埋好有镬气。套餐中嘅餐汤舞茸黑豆炖龙骨尤其出位，一大碗炖汤上，店员服务一流，帮我地分碗上，入面有冬菇、瘦肉同埋螺头等等嘅配料，非常足料，难怪炖汤味道非常香浓。我最欣赏小菜中嘅古法家乡盐甑鸡，原只鸡用纸包住，焗到好香，再切成小件，放入瓦煲入面保温。鸡肉非常香滑、肉质鲜嫩，啖啖新鲜鸡味道，唔需要点任何酱汁都好好食。最后甜品意大利雪糕同埋蛋白杏仁茶，意大利雪糕好似蛋糕咁大，真系好Surprise，而且雪糕嘅硬度适中，食落去更加有口感之余，香浓嘅朱古力系口入面慢慢溶化，好食过出面啲雪糕！总括而言，套餐中嘅食物真系一流，食物高质素，而且小菜炒得好有镬气，每一款菜式
铜锣湾闹市新开一间私房菜叫做《忠记咖啡屋‧私房菜》，位于闹市区嘅渣甸中心，而且地下有灯箱卖广告，所以好容易就揾到。
餐厅灯光光猛，而且座位宽阔，职员态度殷勤亲切，随即就俾咗一壶茶就系南岩铁观音我哋湿湿口。
之前已经订咗六位，每个人只系＄398，就可以食到十款以上嘅𩠌菜。
首先来两大碟嘅夏日丰盛五小碟，冷盘分别系鸭舌、番茄仔同埋芽菜，热食就系蒜香鸡软骨同埋椒丝炒椰菜。
每一款都各有味道各有特色，我最钟意就系食辣辣地嘅椒丝炒椰菜，椰菜炒得好入味，同埋好有镬气。
套餐中嘅餐汤舞茸黑豆炖龙骨尤其出位，一大碗炖汤上，店员服务一流，帮我地分碗上，入面有冬菇、瘦肉同埋螺头等等嘅配料，非常足料，难怪炖汤味道非常香浓。
我最欣赏小菜中嘅古法家乡盐甑鸡，原只鸡用纸包住，焗到好香，再切成小件，放入瓦煲入面保温。
鸡肉非常香滑、肉质鲜嫩，啖啖新鲜鸡味道，唔需要点任何酱汁都好好食。
最后甜品意大利雪糕同埋蛋白杏仁茶，意大利雪糕好似蛋糕咁大，真系好Surprise，而且雪糕嘅硬度适中，食落去更加有口感之余，香浓嘅朱古力系口入面慢慢溶化，好食过出面啲雪糕！总括而言，套餐中嘅食物真系一流，食物高质素，而且小菜炒得好有镬气，每一款菜式都非常特别，并唔系出面嘅餐厅平时可以食到，所以经过一定要试一试，极力推荐嘅一间私房菜。
张贴
