火鍋英雄 (已結業)

最近天气又凉返，于是我同朋友喺铜锣湾附近揾打边炉嘅铺头，我哋去到B出口附近，记得有间火锅英雄唔错，于是就入去食。 入面坐得好宽敞，两个人都可以坐四个人嘅卡位，店员首先送上八碟前菜。 之后我哋点咗个胡椒猪肚鸡汤，另外我哋叫咗一啲火锅嘅配料，美国极品肥牛，招牌四宝丸，西班牙黑豚肉，杂菜篮，酥炸响铃，韭菜水饺，四川绍粉。 胡椒猪肚鸡汤好快送上，入边有好多猪肚同埋鸡，猪肚好大块，好爽口同厚切。啲鸡亦都好嫩滑好新鲜。 之后系啲美国极品肥牛，同黑西班牙黑豚肉，肥牛同黑豚肉都好新鲜。 最后四川绍粉嘅味道都好特别，绍粉质地好爽口，同个胡椒猪肚鸡汤好夹。