禾牛薈火煱館 (金馬倫道)

营业中

休息中

放工同同事落尖沙嘴打边炉，就喺金马伦道中心位置，搭地铁巴士都好方便，好啱放工后即刻去🏃🏻‍♀️普通汤底就试得多，鲍鱼加牛蹄汤真系好少见，依个鱼与鸿掌汤系意想不到咁夹，牛蹄超巨型，近骨嘅肉好好咬，越滚仲越浓味😀游水虾水准高，虾头仲有膏添🥰游水虾做开运动，所以肉好结实，一啲都唔霉～见隔篱枱碟重庆香辣蟹好正，我哋都叫咗碟～蟹用咗好多辛香料好似黑胡椒、花椒、孜然炒，香喷喷连壳嘅汁都舔埋😋店员话今日嘅加拿大象拔蚌好新鲜抵食，果然真系几高质！味道鲜甜美味，嚼劲十足，一盘仲有好多块，食极都仲有😚今餐真系好尽兴，好钟意同同事放工食好嘢嘅感觉，下次要叫多啲同事嗌多啲野食先得❣