禾牛薈火煱館 (金馬倫道)

营业中

休息中

今天同朋友gathering，係禾牛薈book左間房，房間大細正常，不過一班人deep talk，有間房係加分 👍🏻叫左沙嗲湯同滑雞湯~ 雞湯可以飲完，才落邊爐配料🫕火鍋配料general都好新鮮，特別highlight幾樣，我同朋友特別喜歡既： 加拿大象拔蚌至尊本地招牌手切肥牛 本地招牌手切肥牛 自家掣鵝肝蝦丸美國桶蠔10個人共吃了約$8000。 性價比還好啦~不過和朋友聊聊天，吃得盡興和愉快，就已經值回票價👍🏻

好友生日想搞個驚喜派對，要有好嘢食有得唱k又有個私人空間，又唔想去party room，其中一個好識飲識食嘅friend搵到金馬倫道呢間火鍋，部長好好人，安排咗一間14人卡拉ok房畀我哋，一入去見到一張大長枱，上面有四個爐，剛好14個朋友夠曬坐。餐廳提早畀我哋入場教生日佈置，壽星女到了開心到不得了。食物方面全部係冇得彈，牛肉有幾款，我哋叫咗最平和中價兩種，兩款都好食。丸類全部係新鮮手打，最特別係有田雞，好少地方有得食。飲品叫咗啤酒，竹蔗茅根水同菊花茶各幾渣，全部都好飲。醬料方面有一隻類似xo醬特別好味值得推介，整晚在美食k歌中快樂渡過。價錢方面呢間係屬於中偏高，喺尖沙咀呢個地段，咁嘅環境同食物質素，都算物有所值。

本地的火鍋店，我推介本地手切肥牛，非常之有牛肉味道，而且肥瘦剛剛好，厚度亦剛剛好不會太薄，仲叫咗萵筍片，亦都非常新鮮又菜味，另外再叫咗炸墨魚丸，炸墨魚丸再配上蜜糖，非常之鮮味可口，而且仲好彈牙添，仲有炸魚片頭，我都好欣賞，仲有子薑皮蛋，無論火鍋定係小食我都非常之滿意。交通方面，地鐵站喺附近，環境方便，樓底有啲矮，但乾淨衛生整潔，服務方面，非常之有禮貌，而且態度親切又好。仲見到老闆嘅真人，老闆亦都非常之好有禮貌，人品好好，值得一讚。

呢間耐唔耐會試一次全部都係六星級極高質嘅火鍋配料唔係朋友生日都唔捨食得嚟食牛啊象拔蚌啊餃啊湯底啊都好正而且地點方便 仲收得夜仲要嚟慶祝生日免切餅費同埋開瓶費添 🎂 🍾

sunday night room reserved ,we had the tomato and potato soup pot ,the soup base were creamy & tasty,along chicken , pork , beef , clams , vegs , shrimp minced balls and abit of others , all in good portions and fresh ,as well with large bottle of saka and the ktv so enhancing , with friendly and helpful services all the way

一班朋友見到網上寫住可以唱K可以打邊爐就去試吓啦我哋試咗三個鍋台式麻辣火鍋係有啲甜辣嘅感覺，而且食落唔會話好辣啱啲好想食辣又好怕辣嘅人🤣四川麻辣火鍋大辣呢一個就係越食越辣 但係辣得來又好過癮好香加埋竹笙，豆卜呢啲掛晒汁嘅食材更加好食但係唔係好食得辣嘅人叫小辣好啦，因為真係都幾辣㗎第三個鍋叫咗豬骨煲呢個反而令我有少少失望，就係佢嘅胡椒味太大因為本身想叫豬骨煲就係想清清哋，而且佢都係越食越辣 不過就係胡椒嗰種辣最值得推介嘅就係佢嘅炸物午餐肉 迷你番薯仔 鬼馬油炸鬼 雞軟骨全部都好香口，而且唔油膩整體嚟講我覺得價錢唔算話好貴，而且係性價比高嘅

知己聚會打邊爐 五人都有獨立房 無限時間今次我哋遲咗book唔到卡拉ok 房星期六有大廳歌手表演今日 試咗台式麻辣鍋 拼養生湯 味道不錯老闆留咗 手切靚肥牛 新鮮嫩滑另外仲試咗豬腰 牛舌 水餃 竹笙 水餃 鮮魚片。。

返工食lunch不二之選、新鮮刀切牛肉、入口有口感、不會太老、以厚度來說、認真不錯、咁沙嗲湯底、令到所有配料升華、不用點醬料就己經好有品道、韭菜餃係人手做、粒粒都比足料🥰🥰、88一餐算不錯

偶然經過 發現了這間午餐火鍋 $88。不加一這個是一人一鍋的份量 供應時間12-4pm 湯底：清湯/沙爹/四川麻辣飲品：菊花茶/竹蔗茅根 麵類：出前一丁/稻庭烏冬 肉類：豬/牛最欣賞係手切牛肉 ⋯ 厚實有質感不煙韌即包韭菜餃子也十分出色，有時我會同友人追加一碟 如果求質數而不是任食填飽肚子 這個會是首選

禾牛薈火煱館 (金馬倫道)，位於尖沙咀金馬倫道48號中國保險大廈1樓及2樓。 餐廳有兩層，當晚我們坐在二樓房間裏。 首先點了幾款小食📌，有老友鬼鬼、沙薑雞腳、脆炸蜆嘅鯪魚球、 酸薑糖心皮蛋、脆炸魚片頭。 然後到火鍋湯底和配料📌，椰子雞湯、 至尊本地手切肥牛、 特級手切肥牛、 西班牙橡果黑毛豬片、 響鈴、 自家製餃子、精選六寶丸、 白鱔片、美國桶蠔、 花枝片、珊瑚蚌、 炸魚皮、滑豆腐、油麥菜、 雞蛋。 幾款小食裏面，比較喜歡酸薑糖心皮蛋，味道甘香，皮爽流心， 酸酸甜甜幾開胃。 椰子雞湯味道清香， 兩款肥牛， 牛味濃厚，但性價比不算高。 另外比較喜歡美國桶蠔，肉質肥美滑嫩。 其他小食和配菜屬於正常發揮， 不算突出。 埋單大約五百幾一位， 值得一讚的是有房間提供，私隱度高😊。 🏷️溫馨提示～ 整個用餐體驗均屬個人分享意見， 只作參考😊。

朋友叫我去咗一間餐廳試下佢哋嘅新出菜式，喺辦公室嘅一角落，一踏入去已經覺得有啲屋企feel。老闆出嚟迎接，話今日有款特製菜式推介－番茄炒蛋但係做法有啲唔同。我心諗：番茄炒蛋都可以玩嘅咁創新？當然要試吓喇！頭碟嘢係就係特製番茄炒蛋，色彩鮮艷得滯，以為普通嘅家常小菜，一入口就覺得唔一樣。個番茄炒得啱啱好，唔會太爛，仲帶少少甜味。蛋滑得黎帶點彈性，重點係仲有個秘製醬汁淋喺上面，微辣微甜，夾埋個蛋同番茄食，好正！跟住佢哋上咗碟椒鹽雞翼，外皮炸到脆口，撒咗啲孜然粉係上面，香味嗆鼻！椒鹽味道啱哂，啖啖肉咬落去好過癮。雞翼都唔會太油，翼尖炸到金黃色，簡直係摸唔溜手，好想即刻食晒佢！最後呢，就係家傳滷豆腐。豆腐吸晒啲汁，軟綿綿嘅，入口即化，一啖嘅豆腐下去，滿口都係豆香，好滿足。每個菜式都保持得好有水準，尤其係番茄炒蛋，真係出奇喺勝，值得介紹俾啲鍾意食好嘢嘅朋友知道！下次再同朋友嚟這間餐廳，一定要叫多幾個菜式試，飽個順眼先得！🍅🍳👍

❣️必食又高質火鍋店❣️之前午飯有來試過，但係有同事提議夜晚來一餐食飯，所以今日黎左，到店見到都幾多人等位，但都好快入座🕣環境: 舒服寬敞又有大卡枱，一部獨立的電視機📺美食:🥘1️⃣椰子雞煲湯好甜:好重又香濃椰子味，隻雞又滑嫩又多肉，雞肉數量份量足，蘿蔔好新鮮，而且加入湯後，蘿蔔特別甜同美味2️⃣大頭蝦:🦐一碟有3隻，每隻都大大隻，釣完後夾上黎椰子香加埋大頭蝦的鮮味係良好配搭，3️⃣西班牙橡果黑毛豬🐷片:豬肉片係唔錯的水準，豬味濃，食落去有口感又幾彈牙4️⃣牛胸爽🐂:第1次試，好有食鵝腸感覺爽同脆咁，真係幾驚喜!醬汁: XO醬可以揀而且好足料🍽️服務:一見我地入黎就帶位，而且都係好快上碟，完全係貼心，加分!👩🏻‍💼而且呢度價錢都唔會太貴，服務又好周到，我同家人都會再來一試，十分推介客人來呢間試!💞

火鍋店位於尖沙咀，地點好方便好容易搵到，家人生日黎到呢度慶祝一番呢間店環境甚佳🌠，地方整潔又乾淨，仲係每個卡位都有獨立電視提供，好岩我呢種一路食飯一路煲劇的人，而且仲有2層呢，服務員十分殷勤地招呼我地我地一來到就決定點左沙嗲鍋，聽聞好好味，我地點左好多道菜，但我精選左幾種菜來形容下~💞/鮑魚/刺身/重慶炒辣蟹/大頭蝦/鮑魚🤩大大隻，無得輸，肉厚又彈牙，放入沙嗲汁再加埋XO醬就真係頂呱呱，而且每咬一啖都有鮮味刺身🥳真係大大盤，有帶子、三文魚、海膽等等，完全係真材實料，而且應該食鮮運到就送俾顧客食，因為海膽係甜味，無苦澀味，三文魚紋理係清晰 大頭蝦🦐🦐係大大隻，而且有蝦膏，蝦肉結實又彈牙，加埋湯底，鮮味仍然存在而且重慶炒辣蟹🦀🦀都係蟹好多又大隻，炒上去係香口，蟹肉都係多多的，超滿足整體來講，會再叫親戚朋友再來相聚，值得推介👍

今日冬至，同同事們諗住開開心心食個一人一鍋冬至lunch，呢D大時大節，食晏時間有限，同事已經好醒目預先book定位，仲whatsapp落埋單，一心諗住坐低就有用食。我地一行11人準時到達，咁侍應就叫我地撈定D醬料先啦，隔左一陣有個侍應走黎同我地講冇咁多鍋，話要改做單叫，咁ok啦，轉頭又有另一個侍應話我地已經落晒單，只係個鍋鍋由一人前改做兩個大鴛鴦鍋，咁我地都話ok啦。再隔多陣，又再有個侍應好似好驚訝咁話我地叫既野食，係唔包醬汁，但好慷慨咁話今次算啦。再好笑既係，佢話已經冇晒其他野飲，焗我地要飲果D 一 jar既菊花茶，而詭異嘅事件係呢刻要出現，侍應見我地斟完有剩，佢一句都冇問就拎走咗， 竟然係拎走斟俾隔離枱客人，btw，隔離枱遲過我地到，但有一人前嘅鍋用。補充番少少資料，間野係12:00開門，但未一點就話冇晒其他野飲，我估佢地做完個午市都應該係直接收爐。接住就係，我地由12:40坐底等到13:15，個鍋終於出現，不過凈係個鍋only，唔包括野食，侍應話D肉切梗，俾多5分鐘佢，5分鐘後，再叫我地俾多15分鐘佢，話依家多人，咁呢刻多人，關我地咩事？我地坐低嘅時候得兩枱客咋喎，同埋個幾鐘前

今日同同事一行11人下午食做節飯，午市有一人一鍋，12點左右先book 枱都話有位，我地到餐廳之前已經用WhatsApp 落左單，但就話唔夠鍋，叫我地照叫一人一鍋套餐，但就用兩個大鍋一齊打邊爐，咁都ok嘅。12:45坐低，侍應就俾左啲醬料蒜蔥叫我地自己落，等到1點多啲湯底都仲未上，其中一個侍應就拎左3枝菊花茶黎話套餐包一杯飲品，同得返菊花茶，12點先開門，1點就無晒其他飲品？仲有仲要好緊張話我地叫嘅一人一鍋唔包醬料…er…其實係你地同事俾我地叫我地落左先，唔係我地搶架🤣🤣等到一點三，已經坐低左半個鐘，張單都落左大半個鐘。。。終於上湯底😑😑打工仔，其實2點就要返返去公司做野架啦，唯有再催啲野食幾時到。。。打邊爐唔係黎左就食得，仲要烚熟佢架嘛？侍應就話啲牛切梗，等多5分鐘。。。5分鐘後。。。再走過黎話要15分鐘，啲牛仲切緊，話多人，其實我哋坐低時就真係無乜人嘅，仲要黎之前已經WhatsApp 落單，落單時應該仲未午市，到我地催嘅時候梗係多人啦，午市啦嘛，但我地一早落左單架喎！最後唔係我地唔願等，時間真係唔許可呀，下午要返工架嘛！等左差唔多一個鐘，我地轉場去食茶記。。。。其實有無心做午市呢？