天澗居酒屋

营业中

休息中

餐厅带有好浓厚既日式风格，除左有bar台，卡位，仲有两间房，最惊喜既系厕所有个日式庭院，好似真系置身日本之中。胡麻蟹肉海胆冻豆腐海胆超鲜甜，蟹肉撕到一丝丝放系豆腐上面一齐食，好夹。中拖罗寿司、三文鱼籽军舰、白虾寿司、火炙酸汁啫喱𫚕鱼寿司、赤身寿司、活赤贝寿司、赤睦鱼寿司寿司好新鲜，中拖罗唔会太油，入口即溶，白虾有好香既柚子味，好清新，火炙酸汁啫喱𫚕鱼寿司好特别，酸酸地好开胃，连平时好少食既赤睦鱼都有。自家免治鸡肉棒串鸡肉鸡味浓郁，配埋橙红色既日本鸡蛋酱汁，更加添香滑感。烧白鳗串、烧鲜鸡腿肉串外皮烧到超脆，肉质结实弹牙，完全无腥味，而鲜鸡腿肉唔需加任何调味，肉汁嫩滑。超鸡皮串第一次食烧鸡皮，鸡皮好薄，炸到脆卜卜，好似食薯片咁。田乐炸豆腐呢款豆腐好特别，将甜面豉酱放系豆腐上面烧，一口落去好多汁，大推﹗炸黑豚糖心蛋估唔到糖心蛋都可姒炸，外皮粉浆够薄，蛋黄依然流心，一咬即流。烧豚软骨豚软骨肉质软熟，酱汁酸酸甜甜，食到唔停口。什锦天妇罗天妇罗有虾、南瓜、粟米、冬菇，炸到外脆内软。鳗鱼玉子烧鳗鱼既鲜甜味溶入系玉子当中，一次过满足哂两款口味。只要LIKE餐厅IG或FB，就会送一杯梳打水或鳕鱼片。