Le Cafe Place (已結業)

喺附近行完街，想食个all day breakfast，就入咗呢间餐厅，而呢个就系恶梦嘅开始。All day breakfast 不过不失啦， 六十零蚊有五六款嘢食，质素都算正常嘅，系个面包㶶咗少少，都算合格。点知个牛扒餐就出晒事啦，个汤好淡冇乜味，沙律合格，主菜嘅牛扒好似茶餐厅嘅牛扒咁样：肉质霉霉地，明显系腌制过嘅，味道有啲啲酸酸地，比较难切开，入口有啲鞋。但恶梦嘅主角并唔系呢块牛扒，而系伴碟既薯角。薯角并唔系即炸嘅，已经放左一阵，再比件牛扒焗左一阵，湿湿地口感有啲古怪。而当中，有好几旧嘅味道非常之唔寻常，有一种恶臭，比变坏左嘅食物更加臭，唔小心食咗一啖，吐都吐唔切，谂起都惊！同店主反映番个情况，估唔到佢坚持佢哋嘅嘢食系冇问题嘅，咁无讨论下去嘅空间啦。