Le Cafe Place (已結業)

平日都成日黎食， 因為係附近住及返工， 星期日早上通常趕過黎食個早餐，$55 連加一，服務態度差，主要係想飲杯咖啡☕️， 所以都照黎， 平時11:00 am 截早餐order ，點知果日10:59到， 未坐低個職員已經話冇早餐， 又唔比餐牌我，我唔食早餐都可以散叫掛～？ 咁唔願做不如唔好做， 應好快執粒～ 次次經過見都係得1-2檯客我食過以下的食物/飲品杯裝水係用水喉水ribs ： 好咸，d刀又唔夠利牛扒： 都唔知擺左幾耐， d肉好梅豬扒： 好大陣雪味！ 又好多肥膏焗豬扒飯： 去附近連鎖又平又好服務Burger 連chips ： d 薯條唔好指意佢會脆環境，冷氣超強勁， 另類趕客法。 唔睇openrice都唔知呢間野咁差！ 好彩有openrice ， 下次唔會再幫襯！

本來去隔離間吃午餐，點知一入去勁大油煙味(仲係早餐時間，仲只係得一枱客)，所以拿拿聲走人，過咗嚟呢間食。一入去，發現比隔離間多好多食客，心想這間應該不錯吧～有室內座位和室外露天茶座。我雖然坐係室內，但覺得好熱，好像冇乜冷氣。沙律不錯。餐湯的菇有點草腥味。露荀菇扁意粉餐($54，另加一)味道ok。桃汁龍莉柳意粉餐(好似是$6X，忘記了價錢)。條魚好大塊！提子味啫喱，內有兩片雜果。熱檸水和熱台式奶茶。

平時都懶寫食評，不過不知都算，今次，食呢間嘢，我章竟然要係open Rice付出我的第一次，登記寫食評。同友人行完街揾下嘢食，發現呢到有少有的all day breakfast，仲要有最愛egg Benedict 添，價錢唔太貴，就試一試佢。先講環境，入去有位唔使等，客都唔算多，但舖內油煙大，舖外又馬路邊食塵，冇計啦，香港地係咁家啦，食油煙好過食塵。室內坐好，聽到有裝修嘈音，坐坐下發現原來係櫃頂上一個風扇壞左，開動時發出嘈音仲要冇左個蓋，個扇葉都唔知會唔會轉轉下飛出理，極危險。到食物，所謂的egg Benedick 同放隻全熟的涮蛋係個英式鬆餅上冇分別，點餐想醤另上，竟然話冇，真係出奇，分開用個碗仔裝個醤有幾難。其實冇醤都冇所謂，咁就揀走醤，雖然職員好心提示冇咁好食，但唔走醤都睇唔到隻“涮“蛋真面目，幻想唔到個醤會係咩味。價錢唔貴，但這樣的質素唔值，可一不可再啦！

之前都有食開呢間 每次第一次試佢ge下午茶點知意粉出d問題 原本就咁諗全買單走人點知店員同老闆十分好服務 主動要求幫我換過十分有誠意的小店 會繼續幫襯!講番食物三文治 烘得夠脆口 配埋芝士牛油岩岩好

踏入新的一年,也會約朋友外出見見面,難得朋友為了出來見我,特地約我在新蒲崗食Tea,雖然週未的新蒲崗的Tea Set唔多,但行過幾間之後,也發現這間有下午茶。下午茶的款式都算多,不過我之前也食了午餐,所以也是簡單一個西多士就算。下單後也很快弄好,粒粒西多士也是即叫即整,雖然有點油膩,但偶爾食下也無妨。見他也有心思用朱古力醬簡單地畫花。落的蛋漿並不算太多,食下去還算鬆化,不過糖漿就凍到硬左,所以都幾難沾。所以我變了用西多士沾朱古力醬。並加了3元轉即磨咖啡。整體服務和環境不過不失。希望下次有改善啦!

不好意思，今次未能喺食物質素上給予意見，因為未點菜，已被員工的服務態度趕走了。同家人選了戶外位，家人呼喚女侍應，可能侍應回應了我們未有留意到，或她真的未有反應，於是再呼喚女侍應一次。換來的是她大聲回應但態度甚差：「等等呀！」，印象中甚至是背向面。我們當堂被她的態度嚇一跳。女侍應前來，家人問她咁大聲，冇嘢吖嘛。她回應大聲唔代表冇禮貌。我們要求見經理，她滿不在乎：「好吖。經理，搵你喎。」男經理開初兩句亦表示唔好意思，說職員可能太忙。家人再講多兩句，經理竟然不好老皮回應：「咁洗唔洗叫佢跪低認錯呀。」嘩，冇嘢講啦，走啦。有咁嘅上司，有咁嘅下屬有乜出奇。不過應該要給有意從事服務業的朋友，應考慮應徴li 間餐廳，你嘅上司一定好好保護你。

對上一次來新蒲崗已經是一年多前，還記得那時候要來取結婚用的絲花花球。今天跟先生再來新蒲崗，去左Mikiki 搵食，睇完商場地圖，最後選了這間cafe-Le Cafe Place。當時正值午餐時間，餐廳室內的坐位已滿，唯有坐室外露天坐位，剛好今天天氣不錯，轉涼了又有點風，坐戶外反而覺得很舒服。最欣賞它的沙拉，用了蜜桃🍑汁，吃起來甜甜的又很清爽青豆湯- 我一向也不喜歡青豆的，細個媽咪整雜豆炒肉，我一定會挑返曬D青豆比媽咪食，而家食嘢遇到D青豆就會挑曬比老公😆當然呢碗湯都係老公飲埋佢。Latte- 一送上來的感覺係外表不太討好（喂呀，拉花搞到一堆嘢咁想點呀😅）但說實在咖啡味道是不錯的

職員服務態度十分十分好，對待客人的服務十分切，她們會和客人交談，態度十分和藹及喜歡小毛孩。食物的水準很高，招呼一流，價錢十分合理，还有甜品很美味。在新蒲崗能有這樣的餐廳能和小毛孩一起吃飯，真是十分美滿。是座落在新蒲崗一間超水準的餐廳。

今日和朋友去Mikiki La cafe place 食飯，叫咗香煎雞扒配照燒汁，雞扒非常多油，照燒汁冇味！另一個餐係香煎豬扒，豬扒唔太熟。咁嘅價錢真係唔值！原來呢間餐廳入去Facebook upload佢嘅食物相，會送一個雪糕，當時聽到隔離枱有位小姐問佢，係咪有雪糕，有個男人應該係老闆答佢話係，之後背住人哋講：你個餐啱啱先到，依家俾你都溶啦！使乜咁急😨當時語氣唔係咁好！之後兩點後，有位女士入嚟諗住食餐，當時有位女士睇完餐牌就起身走！個老闆就同員工講：嫌貴！我心諗，人地冇話貴，可能有其他原因呢⋯咁嘅服務、咁嘅食物、真係唔會再有下次囉⋯

The food is just bad,it's raw!!Its bland,it's not nicely seasoned.The service is fine however the only thing that I like is the lemon tea.The soup is bad the salad is bad everything is bad.The food is expensive as well,it just doesn't worth eating.Its worthless,I would say it's surely not a place that you would like to celebrate your anniversary or birthday

曾在新蒲崗工作過, 有空的話總會抽空來覓食, 回味一下這區的小店美食。而 Le Cafe Place 就是Recall list的其中一間了。最喜歡它的下午茶餐, 價錢合理、感覺悠閒、食物當然也不錯。其中“比利時窩夫配雪糕”是推介的, 窩夫外脆內軟、有蛋味、不會太甜。雪糕是指定味道, 一般是雲呢拿、朱古力、士多啤梨三款的其中一款, 是次光顧碰巧輪到“賣飛佛”—朱古力。飲品方面, 台式奶茶是我必然之選, 有茶味又夠香,卻不會太甜。讚!

這間餐廳今個月吃了三次 第一次吃前菜是蘋果沙拉 汁還蠻酸的 湯是淺綠色 還蠻好渴的 主菜是香檳忌廉汁魚柳 汁是微酸 飯涼涼的 甜品是紫米露好吃 蜂蜜綠茶太甜 整體覺得還可以吃第二次吃前菜是凱薩沙拉 湯是栗米之類 主菜是豬排 汁淡淡的 飯依然是不熱 不過豬排好吃 甜品是綠色啫哩 綠茶少甜會好渴點 整體覺得飯熱一點會更加好 第三次吃前菜是芝麻醬沙拉 湯都是栗米之類的 主菜是雞排 汁依然淡淡的 我跟侍應說飯要熱的 他說沒問題 一定會超熱給你 到上菜 飯依然是涼涼的 剛才點餐的侍應消失不見 所以說好的熱飯呢算了 拿掉雞皮 雞排超多油 我拿湯匙在雞排一個凹位一壓 整匙油咇了出來 嚇死人 我整整壓了兩湯匙油出來 有一些油更流到飯裡 我叫了一個侍應給我一個碗 我打算打飯移到碗裡吃 侍應給了一個白碗 邊是黑黑的 我用紙巾抹一抺 照用 主菜我只吃三分二 因為油真的多到誇張 甜點跟飲品都是正常水平 不過整體評價差吃完第二天出事了 這就是我上來評價的原因 五個同事去吃 三個不舒服 我這輩子應該不會再去這間餐廳了

閒來茶聚一番，坐一會，閒談一下，食食嘢，路過此處，見茶餐抵吃，不防又試一試叫咗3個餐：一口粒粒西多士，碎蛋蕃茄牛角酥及珍寶熱狗飽，正如一般茶餐無咩特別。3款食品中，以牛角酥較為出色，有好香嘅牛油味；西多士則不夠香，糖漿較少；而熱狗飽則賣相吸引。

牛扒應該低過5成熟。要求餐廳更換，結果用返同一塊，再煎過，結果梗係食唔到。職員/老細話換過，但我要求取消，唔比，話已經整緊。最後等左20分鐘咩都無，如果整緊點會煎20分鐘，一味黑面同比說話你聽。最後我埋單走人。豪一餐比你，但無下次。要食勁生牛扒，同喜歡受氣既你，歡迎入座。

喺附近行完街，想食個all day breakfast，就入咗呢間餐廳，而呢個就係惡夢嘅開始。All day breakfast 不過不失啦， 六十零蚊有五六款嘢食，質素都算正常嘅，係個麵包燶咗少少，都算合格。點知個牛扒餐就出晒事啦，個湯好淡冇乜味，沙律合格，主菜嘅牛扒好似茶餐廳嘅牛扒咁樣：肉質霉霉地，明顯係醃制過嘅，味道有啲啲酸酸地，比較難切開，入口有啲鞋。但惡夢嘅主角並唔係呢塊牛扒，而係伴碟既薯角。薯角並唔係即炸嘅，已經放左一陣，再比件牛扒焗左一陣，濕濕地口感有啲古怪。而當中，有好幾舊嘅味道非常之唔尋常，有一種惡臭，比變壞左嘅食物更加臭，唔小心食咗一啖，吐都吐唔切，諗起都驚！同店主反映番個情況，估唔到佢堅持佢哋嘅嘢食係冇問題嘅，咁無討論下去嘅空間啦。