喜鍋 海鮮.點心.活刺身 蒸氣石鍋專門店 (已結業)

蒸气石锅而家开到周街都系, 但系质素各有参差。今次去到尖沙咀嘅喜锅, 可以见证高质素海鲜石锅好食之处。餐厅内鱼缸放满生猛海鲜, 见到靓食材, 又有酱油、蒜头等配料, 都预视今晚会有几丰富、几好味。先要左一只南非开边龙虾, 用蒜茸一齐去蒸, 更加突出海鲜嘅味道, 而肉质爽口弹牙, yummy!! 南非鲍鱼用上虫草花调味, 啖啖肉, 质感又够松软, 易嘴馋, 唔需要点酱油都足够滋味!顺德蒸污糟鲜鸡同样非常好好味, 同红枣冬菜一齐蒸, 味道非常足够。而鸡肉嫩滑、肉味香浓, 绝对值得一试。百花酿辽参, 海参之中酿入虾胶, 口感特别! 虾胶本身已经非常弹牙, 海参则软滑, 两者感觉非常合拍。伊面同埋梅菜蒸芥兰, 伊面面条嘅软硬程度适中, 跟梅菜蒸芥兰一同去蒸, 亦都非常滋味。最后有个淮山鱼肚蝴蝶腩粥底, 将材料放系电热窝嘅底部, 加上汤底, 再加上整晚蒸海鲜嘅精华, 至为最佳享受!