紅館

打算庆祝周年纪念，听到好多人介绍呢间见做紧promotion 就试吓,唔试唔知，一试就知濑嘢。讲下环境先，环境无乜特别，平凡既装修,projetor 就一直播住啲无谓既windows default 相，气氛同太子酒吧街差唔多。讲service, 待应上菜似茶记 掉低就算 完全无介绍（连上咩都无讲），收碟就似酒楼叠埋收。讲野食，一个字讲晒，伏。叫左699 set for 21. 青木瓜沙律+$28 and hams with melon, 无特别 门面野。2.蘑菇汤，蘑菇blend得太碎完全无口感+调味咸。3.Main dish 油封鸭有惊喜，反而羊鞍+$48 完全失望阵味似波仔咖哩牛腩完全盖过羊肉既香味 薯仔红萝卜成滩野口感完全一致，调味极之重手 只有咸味。4.冬阴功鸡胸意粉，闻落香茅味好重反而食落无乜味 调味较轻手，鸡胸肉慢煮过 唔柴有汁。5.最后甜品，提子芝士挞，挞底一睇就知系订货野 但芝士内涵唔错 几香，芒果拿破仑，三块苏皮都淋哂，简单吉士酱+小小小小芒果，无乜诚意。总括然而，价钱埋单853两位，知道系中环绝对说唔上贵，但同价钱好过佢既餐厅绝对通街都系。