Spring field (已結業)

三大一BB，36度天气下排队半个钟后，因为4人无台就俾排后边嘅二人入咗先。见状就同貌似老板嘅店员讲，如果无4人台应提早讲，我地两个两个入。就因为呢个提议，个店员一轮嘴话咗我地好多嘢，话无理由为咗我赶佢d食客走⋯⋯请问我何德何能赶到人走，我提议分开自己group人坐，都俾佢话。算，我认。再等多10分钟终于入到，一坐低无1分钟，即刻递上三大人份量order纸。叫和牛饭，无；叫金边粉，无；想look卡，无。然后仲俾个老板话我未齐人，貌似想叫翻我地出去等齐人再入。我即刻话，由于天气太热，排队又太耐，爸爸带bb上车吹住冷气等，宜家行紧过黎。个老板都好似唔想放过我咁，系咁话讲明齐人先可以入（其实我系出边等咗咁耐，完全无人提过我地呢样），又话如果我再驳佢嘴，就叫我走，唔做我生意，要我乖乖坐定定。其实先唔好讲d嘢好唔好食，但呢个所谓老板，连最基本嘅尊重人都做唔到。越南粉迷都知，正唔正宗，用肉眼睇下个汤底都知。呢间只不过系加咗‘和牛’噱头嘅港式越南粉。入到舖头连基本嘅牛骨汤味都无⋯⋯无错，到最后不欢而散。