印尼餐廳 (已結業)

因为朋友生日，预早两日订位，订位时已问定有无雪柜，可唔可以帮手雪蛋糕，对方话可以，而已唔收切饼费。当日拎完蛋糕，大约早一个钟左右去餐厅，请职员帮我哋雪住个蛋糕，对方话好，无问题。开餐了！赞鸡肉串烧，唔错，唔太干。印尼炒饭，有点微辣，不太食得辣嘅我都食得到。粟米饼，好好食，香口！弹牛肉饼，当食完粟米饼，就觉得佢唔好食了。珍多冰，啲绿色条条味道一般，饮管太幼，经常塞住咗，而且份量太少了。仲有几味𩠌，不过不失，加上唔记得名，唔写了，不过想讲一件令人嬲嘅事。食饱当然食蛋糕，请职员拎蛋糕比我哋。一开盒，成个 Awfully Chocolate 走晒样，蛋糕飞埋咗去个盒另一边，明显望到蛋糕已移离蛋糕托。盒顶都有少量朱古力。唉，追究都无用，只好切嚟食。因为未食过，唔知系咩味，而朋友就话，佢哋应该无帮我哋雪个蛋糕，因为平时食，会硬返少少同埋湿少少，但宜家系完全唔冻。唉，好地地一个Awfully Chocolate就咁嘥咗。另外就要讲讲，职员嘅态度，有啲好好人，但有啲服务好差。十点钟开始，已不断催促我们食唔食蛋糕，不断想收我哋仲食紧嘢𩠌。要知道，唔系开咗好多年等于好巴闭，有啲嘢，唔系永恒嘅。同埋个厕所好