影片
更多
2021-06-12
731 浏览
星期日朝早自己一个去食早餐，叫咗一份沙嗲牛肉乌冬+火腿煎蛋餐包+咖啡，落咗单之后5分钟个乌冬同咖啡就到，食晒个乌冬（大约15分钟之后），就同职员讲仲差火腿煎蛋餐包，职员冇帮我同厨房追单，净系话就到就走左去，好！我再等多一阵，再过多5分钟到，有个职员同其他客讲话我就走叫佢哋等我张枱，我就再同个职员讲我仲有嘢食未到，佢又系Hea我话就得，再过多5分钟左右，我再同个职员追单，点知佢问我系咪差杯咖啡？！即系代表佢哋根本一直都冇同我追过单！连我差啲乜嘢都唔知！我即刻起身走人，我同收银讲话收小我份火腿煎蛋钱，我等左足足三十分钟有多，我真系赶时间所以唔等！我明白假期去食早餐系比较多人同埋要等，但系最大嘅问题系佢哋嘅态度！我每次追单都有同佢讲话系差啲乜嘢，但追咗几次佢哋竟然以为我差咖啡？！到最后个经理竟然拎住杯打咗包嘅咖啡出收银处𠮶度俾我，我真系忍唔住发烂渣同佢讲话我其实系差火腿煎蛋餐包唔系咖啡！我讲咗三次喇！后都唔会帮衬！
张贴