影片
更多
2024-07-09
4698 浏览
我未曾试过喺呢度写食评，我嘅第一次就献咗俾呢间餐厅本身都喺社交平台度见到有人推介呢间餐厅，喺得海港城，谂住都唔会太差，点知觉得俾人揾苯！首先呢一间餐厅嘅电话永远系冇人听，飞去留言信箱，个信箱系爆左既，最后我喺佢社交平台度见到佢哋嘅网址有得online booking 先book 到。本身就系见到佢哋嘅package觉得几抵先会选择佢地，我拣左$598+$108 任食蚝，限时两个钟。佢哋无论系餐汤，前菜，定系主菜味道都失控，劲咸，我完全冇谂过食一个凯撒沙律系可以咸到食唔到！🤯餐汤完全咸到饮唔落口。两款牛嚟到，卖相极差，就算系仼食，讲紧我系俾呢个价钱，我真系冇谂过系好似我喺楼下茶餐厅食既牛咁，系无质素可言！虎虾又㶶，食咗一次完全唔想再叫第二次。鹅肝可接受。唯独是啲蚝系值得再食，但佢所谓有三款唔同嘅蚝，系冇得拣，而我都唔知食嘅系边一款，佢无介绍既。七百几蚊，我净系食佢几只蚝吗？而且佢哋根本就唔够人手，所以落单又慢，上菜又慢，又无人收嘢，堆到成枱都系嘢，我仲要比加一服务费！根本就无能力做呢个模式就好心唔好做。我本身系想同我先生庆祝生日，入座前问可唔可以喺甜品上面写happy birthday，
本身都喺社交平台度见到有人推介呢间餐厅，喺得海港城，谂住都唔会太差，点知觉得俾人揾苯！
首先呢一间餐厅嘅电话永远系冇人听，飞去留言信箱，个信箱系爆左既，最后我喺佢社交平台度见到佢哋嘅网址有得online booking 先book 到。
本身就系见到佢哋嘅package觉得几抵先会选择佢地，我拣左$598+$108 任食蚝，限时两个钟。佢哋无论系餐汤，前菜，定系主菜味道都失控，劲咸，我完全冇谂过食一个凯撒沙律系可以咸到食唔到！🤯餐汤完全咸到饮唔落口。两款牛嚟到，卖相极差，就算系仼食，讲紧我系俾呢个价钱，我真系冇谂过系好似我喺楼下茶餐厅食既牛咁，系无质素可言！虎虾又㶶，食咗一次完全唔想再叫第二次。鹅肝可接受。
唯独是啲蚝系值得再食，但佢所谓有三款唔同嘅蚝，系冇得拣，而我都唔知食嘅系边一款，佢无介绍既。七百几蚊，我净系食佢几只蚝吗？
而且佢哋根本就唔够人手，所以落单又慢，上菜又慢，又无人收嘢，堆到成枱都系嘢，我仲要比加一服务费！根本就无能力做呢个模式就好心唔好做。
我本身系想同我先生庆祝生日，入座前问可唔可以喺甜品上面写happy birthday，staff同我讲唔可以，因为太急，然后我就见到另一枱客，同一样系生日蛋糕，就有写字，我之后都有问点解其他人就有？不过最后都系冇答案，我都冇追问了！
比呢个价钱，我去酒店食自助餐仲无咁谷气😤选择又多，唔使净系拣𠮶几样嘢食，样样都难食，根本就唔洗食！怪就怪我冇做好功课，信咗啲广告😩
张贴