影片
更多
2022-07-24
883 浏览
前几日book咗呢度，一家人同嫲嫲补祝生日食饭，点知换来极差嘅体验😤👎👎.食物方面，除咗一开头𠮶个乳猪系最好食之外（乳猪需要一早预订），其他小菜等等都系非常之一般～片皮鸭直程差到一个点，啲肉超老好鞋，𠮶个侍应切片皮鸭切到系好厚一块块，好求其，完全唔系平时薄身𠮶种切法，我哋12个屋企人一致都觉得好失望～龙虾伊面，龙虾份量少，仲要啲壳多过啲肉～叫咗个花菇海参煲，呢个仲离谱，成个煲得几片海参，仲要贵，超级无敌唔抵食👎.食物普通都算，最差嘅体验都系来自于佢哋嘅服务，帮我地嘅一位男侍应由一开头其实态度已经好差，问佢乜嘢、有啲咩要求佢全部都会Say左 no先！（如果系有好嘅服务，其实应该系可以按着客人需求睇吓会唔会帮到手）片皮鸭都系佢切，完全冇心机片，出嚟𠮶啲根本唔系片皮鸭而系一件件嘅鸭肉啰！.态度差都唔紧要，好戏在后头！片皮鸭剩返嘅鸭壳，我屋企人想拎走返屋企，然后我哋同𠮶个侍应讲可唔可以帮我哋斩件，首先佢已经一口话唔可以斩件，（但系其实片皮鸭𠮶把刀同埋张枱都仲响度，点解唔可以帮我哋斩开几件方便拎走呢？就算系点解唔可以拎入厨房处理呢？！）😤.然后我哋要求用外卖盒帮我哋pack起拎走，佢竟然走去揾个
.
食物方面，除咗一开头𠮶个乳猪系最好食之外（乳猪需要一早预订），其他小菜等等都系非常之一般～
片皮鸭直程差到一个点，啲肉超老好鞋，𠮶个侍应切片皮鸭切到系好厚一块块，好求其，完全唔系平时薄身𠮶种切法，我哋12个屋企人一致都觉得好失望～
龙虾伊面，龙虾份量少，仲要啲壳多过啲肉～
叫咗个花菇海参煲，呢个仲离谱，成个煲得几片海参，仲要贵，超级无敌唔抵食👎
.
食物普通都算，最差嘅体验都系来自于佢哋嘅服务，帮我地嘅一位男侍应由一开头其实态度已经好差，问佢乜嘢、有啲咩要求佢全部都会Say左 no先！（如果系有好嘅服务，其实应该系可以按着客人需求睇吓会唔会帮到手）片皮鸭都系佢切，完全冇心机片，出嚟𠮶啲根本唔系片皮鸭而系一件件嘅鸭肉啰！
.
态度差都唔紧要，好戏在后头！片皮鸭剩返嘅鸭壳，我屋企人想拎走返屋企，然后我哋同𠮶个侍应讲可唔可以帮我哋斩件，首先佢已经一口话唔可以斩件，（但系其实片皮鸭𠮶把刀同埋张枱都仲响度，点解唔可以帮我哋斩开几件方便拎走呢？就算系点解唔可以拎入厨房处理呢？！）😤
.
然后我哋要求用外卖盒帮我哋pack起拎走，佢竟然走去揾个外卖胶袋，然后竟然连胶手套都唔带，就咁揾佢哋酒楼𠮶啲湿纸巾套包住鸭壳，就咁好似掉垃圾好用力咁掉落𠮶个外卖袋度，跟住就俾我哋！🤯
我问佢点解会唔用盒而系用胶袋呢？然后佢就话个盒唔会放得晒，基本上平时啲人都系用呢个袋，我话好唔卫生，上边又唔系封口，跟住佢同我讲话已经好干净，又话个个都系咁拎㗎啦，跟住又话啲盒好贵㗎，其实我心谂如果你俾我嘅话就算啲盒贵啲我都唔会介意，因为企理同埋卫生系最紧要啰！😠
.
最扯火就系见到佢胶手套都唔用，竟然用𠮶啲湿纸巾套，就咁揸住𠮶啲鸭壳掉落个袋，仲要系好粗鲁𠮶只，当刻我感觉觉得自己好似乞儿？好似乞求食物咁然后被粗暴对待！😡
去到最后成餐饭真系好唔开心，中间上菜又急，佢唔会理你点样亦都唔会理你张枱够唔够位放，总之就拎晒所有嘢出嚟，成餐饭又唔系抵食～
.
其实到最后我个心真系好嬲，本来难得成家人团聚食饭想开开心心，明明以前响我心目中嘅鸿星系唔会咁差的，估唔到今次换来一个咁嘅体验！本来真系好想即刻揾经理理论，因为同屋企人一齐而且又有老人家，所以当晚始终我冇即刻咁样做，但系我已经记低𠮶个侍应嘅名第二日向经理投诉～
.
今时今日，一间食肆要做得住其实服务真系好紧要，食物质素可以改，但系如果因为一啲咁样嘅服务体验影响到的话，你叫客人点样够胆再嚟呢？！重点今次令我咁愤怒系，呢样嘢系完全关乎涉及卫生问题，喺而家嘅疫情底下，竟然处理得咁唔卫生，难道平时佢哋都系咁样对待所有客人的吗？
.
鸿星由咁多间而家最后变到得返两间，其实都希望如果可以有更多客人同好嘅口碑的话，睇来真系要严重改进同埋重视返服务、卫生、食物质素等等～不过经过今次，我成家人同埋包括我自己以后都唔会再去帮衬了🙅🏻♀️🙅🏻♀️🙅🏻♀️
张贴
