海岸扒房 (裝修中)

首先食物质素已经不在话下，一啲都唔值呢个价钱，你以为自己去咗茶餐厅，餐碟一路冇人更换，叫咗人过嚟换，一张枱有五个人，净系换咗四个，亦都一直冇人过嚟帮手斟酒，零服务，难以置信系去咗酒店食饭，最精彩嘅喺后面，我哋揸咗车过嚟泊喺停车场，走嘅时候我哋手抱住一个BB，酒店人员话lift坏左，叫我哋自己行楼梯落去拎车，带都冇带过我哋过去𠮶条楼梯，我哋行咗条楼梯之后发现有条铁链拦住咗，写住非工作人员不得内进，卡住咗系中间，前冇去路咁，焗住整开条铁链，再行落去，发现道门根本开唔到，又抱住BB行返几层楼梯上去，同酒店职员讲，佢答我：乜系咩？开唔到咩？岩岩你地话知道边条楼梯，我哋根本冇讲过，跟住佢带我哋过去，原来部lift根本冇坏,今日无啦啦行上行落，仲要抱住个BB，其实行楼梯根本都冇问题，最起码带我哋过去或者有个清晰指引，真心永远都唔会再帮衬！