影片
更多
2023-12-17
737 浏览
呢间嘢本身间中都会去下，因为味道系唔错。亦都介绍咗好多屋企人同朋友去食。但今日特登由荔枝角行到过去，全间嘢红A胶櫈要搭枱坐得逼夹已经唔在讲，一坐低就问食乜，问咗两三次。我坐都未坐定，你问乜鬼嘢啫！好啦，落单叫咗碗炸酱鸡肉腩肉米线，本身好肚饿，所以好期待。一上到黎，夹起一旧腩肉，全旧都系肥肉！！！拎第二旧睇，九成都系肥肉，第三旧都系九成肥肉，第四旧100%肥肉！另外两旧系正常嘅五花腩。因为𠮶四旧肥肉真系完全食唔到，所以叫咗阿姐过嚟问吓可唔可以换俾我。正常系醒目嘅即刻入厨房求其煮熟4旧腩肉就换俾我啦！点知𠮶个阿姐话：系咁㗎㖞，你落单𠮶阵又唔讲，你要讲明系要瘦腩肉呀嘛，如果唔系就系咁样随机抽㗎喇！我系咁啤住佢，摆明好唔接受佢呢个答案！但系佢完全冇愧疚咁样行开咗！喂大佬，阿姐你知唔知咩叫腩肉啊？你𠮶几旧系叫做肥肉，唔系叫做腩肉啊！你自己叫腩肉，会唔会expect全旧都系肥肉呀？听完佢咁样解释真系火都嚟，但系好地地食餐饭，真系唔想搲烂块面同佢喺度嘈！同埋个阿姐俾得啲咁嘅答案，好明显我都已经唔系第一个啦。讲多都嘥气跟住我拎咗只匙羹，将𠮶4旧超级肥根本食唔到嘅腩肉排晒喺度！全餐饭根本背脊骨落，好似俾
但今日特登由荔枝角行到过去，全间嘢红A胶櫈要搭枱坐得逼夹已经唔在讲，一坐低就问食乜，问咗两三次。我坐都未坐定，你问乜鬼嘢啫！
好啦，落单叫咗碗炸酱鸡肉腩肉米线，本身好肚饿，所以好期待。一上到黎，夹起一旧腩肉，全旧都系肥肉！！！拎第二旧睇，九成都系肥肉，第三旧都系九成肥肉，第四旧100%肥肉！另外两旧系正常嘅五花腩。因为𠮶四旧肥肉真系完全食唔到，所以叫咗阿姐过嚟问吓可唔可以换俾我。正常系醒目嘅即刻入厨房求其煮熟4旧腩肉就换俾我啦！
点知𠮶个阿姐话：系咁㗎㖞，你落单𠮶阵又唔讲，你要讲明系要瘦腩肉呀嘛，如果唔系就系咁样随机抽㗎喇！我系咁啤住佢，摆明好唔接受佢呢个答案！但系佢完全冇愧疚咁样行开咗！
喂大佬，阿姐你知唔知咩叫腩肉啊？你𠮶几旧系叫做肥肉，唔系叫做腩肉啊！你自己叫腩肉，会唔会expect全旧都系肥肉呀？
听完佢咁样解释真系火都嚟，但系好地地食餐饭，真系唔想搲烂块面同佢喺度嘈！同埋个阿姐俾得啲咁嘅答案，好明显我都已经唔系第一个啦。讲多都嘥气
跟住我拎咗只匙羹，将𠮶4旧超级肥根本食唔到嘅腩肉排晒喺度！全餐饭根本背脊骨落，好似俾人呃咗一味𩠌咁样！
到我走𠮶阵真系好冇礼貌咁样将啲钱掉喺老细面前就走，因为呢餐饭真系令我对呢间嘢好失望！我去谭仔食，人哋啲腩肉一定会系五花腩，就算肥啲，我都清清楚楚见到系五层！蒜泥白肉就系薄啲，不过人哋全部都系五花腩，都唔会无啦啦一旧肥肉咁样俾你。
我系叫腩肉，唔系叫肥肉，一间正常嘅食肆系冇理由将啲下栏嘢照攞出嚟卖！仲要同我讲咁样系好正常！
如果个阿姐或者个老细同我食晒𠮶四旧肥肉佢，或者我条气会顺啲！
呢间嘢我会叫晒我身边啲人唔好去，唔系好唔好食嘅问题，系衰格！
$47
7 浏览
0 赞好
0 留言
炸酱腩肉鸡肉米线
$47
20 浏览
0 赞好
0 留言
14 浏览
0 赞好
0 留言
张贴
