影片
更多
2011-09-06
508 浏览
好朋友即将离港工作, 大伙儿正打算替爱吃火锅的他好好办一场欢送会, 听说壹楼火锅味道不错, 便去试试.讲真，论环境，论食物，呢度都算系咁，个牛肉拼盘乜都有，牛脊、牛筋、香得黎又唔韧，个牛栢叶渌五秒就食得，又爽又脆，桶蚝就少左D，百几蚊得四只，但胜在够大件，而个wasabi虾滑够新鲜感，渌熟左仍然感受到个只刺鼻的清新，如果要我只论食物，呢度可能系港岛最好味的火锅店。但系，呢度的服务态度真系差到无人有！我系第一个到的, 同门口的哥哥仔讲话我地订左枱, 十几人, 佢一句'请跟我入黎' 都唔讲, 就自己转身入去, 算; 之后我的朋友来到, 我地问佢地有冇杯, 问左几次, 佢地一个铲短发, 女侍应同我地讲; '唔系冇, 系未拎黎啫', 都算;酒过三巡, 我地一班朋友兴致有点高, 吵了点, 但当中都有人会'殊', 惊嘈亲隔离, 点知呢个女侍应过黎不断俾说话我地听:'喂, 呢度唔系酒吧呀!''隔离枱投诉, 你无谓要我迁怒你地吖!'到最后, 当晚主角忍唔住窒佢一句:' 喂, 你知唔系我地系客呀!'呢个侍应竟然指住我个朋友, 大嗌' 你同我出黎! 我好声好气, 你竟然用粗口闹我?'最好笑既系, 之后全店
讲真，论环境，论食物，呢度都算系咁，个牛肉拼盘乜都有，牛脊、牛筋、香得黎又唔韧，个牛栢叶渌五秒就食得，又爽又脆，桶蚝就少左D，百几蚊得四只，但胜在够大件，而个wasabi虾滑够新鲜感，渌熟左仍然感受到个只刺鼻的清新，如果要我只论食物，呢度可能系港岛最好味的火锅店。
但系，呢度的服务态度真系差到无人有！
我系第一个到的, 同门口的哥哥仔讲话我地订左枱, 十几人, 佢一句'请跟我入黎' 都唔讲, 就自己转身入去, 算;
之后我的朋友来到, 我地问佢地有冇杯, 问左几次, 佢地一个铲短发, 女侍应同我地讲; '唔系冇, 系未拎黎啫', 都算;
酒过三巡, 我地一班朋友兴致有点高, 吵了点, 但当中都有人会'殊', 惊嘈亲隔离, 点知呢个女侍应过黎不断俾说话我地听:
'喂, 呢度唔系酒吧呀!'
'隔离枱投诉, 你无谓要我迁怒你地吖!'
到最后, 当晚主角忍唔住窒佢一句:' 喂, 你知唔系我地系客呀!'
呢个侍应竟然指住我个朋友, 大嗌' 你同我出黎! 我好声好气, 你竟然用粗口闹我?'
最好笑既系, 之后全店异口同声都应左佢一句' 喂, 佢无讲粗口㖞!'
讲真我地都系斯文人, 但真系俾呢个侍应激亲. 店内原本有promotion, 叫客人在facebook check in 自己到了壹楼火锅, 会有一支汽水或细啤, 但个晚之后, 我地全部都在facebook 声称去错地方! 个侍应之后消失左, 我地亦立即结账, 但其他侍应一D都唔打算善后, 我打算拍拍佢地膊头打圆场, 佢地竟然粒声唔出, 连正眼都唔望我一下, 咁即系点?
超级极度差劣的服务态度, 食物再好味都背脊骨落!
张贴