RBTea

营业中

休息中

夜晚时间行行下想食waffle 松饼，见到呢间餐厅唔洗等，谂住近近地，点知中伏，一行到入去间餐厅就算戴住口罩都已经闻到好大阵up味,跟住再行多两步几乎跣咗落地下,原来地下系湿湿淋淋🌚， 都算啦，揾到个位坐，跟住就自助点餐， 明明叫左个肉眼扒7成熟，都唔好提话等左好耐，嚟到块扒..一切开，血🩸淋淋，完全系三成熟，点食，叫左侍应跟进，再焗一焗之后，已经变左十成熟…..$196呢个价钱完全唔掂，大家乐比佢仲好食； 好啦，叫求其食左个扒，好期待个松饼，嚟到真系大失所望，首先系个松饼食得出系翻热并不是即整， 完全唔脆，又薄身，跟住每件松饼上只有手指尾指甲咁细一旧芒果，其他都只系落现成syrup, 雪糕又超甜，夹硬食都冇办法再食落肚….食完都马上离开，点知出到门口， 个地下又系湿淋淋，几乎又跣左落地下，就算佢摆咗个小心地滑嘅牌都冇用，周围家私都破破烂烂….下次绝对唔会再帮衬！