影片
更多
2019-06-22
75 浏览
隐世蒸气锅！唔系朋友介绍都唔识黎，贪佢够静，野食又够新鲜、好食！之前book定位，等厨师预备好食材，有专人帮手控制蒸锅，黎到等食就得！场内有唔同既饮品同酒，本身唔饮酒，所以无叫。有隔离枱客人开左几支，应该唔错！先先上演左一场喷火杂技—酒煮赖尿虾加酒落去炒，出晒火，好香酒味！赖尿虾算大只，好好肉，有少少酒味。肉质爽口同鲜甜，可以成只既肉起出黎而唔会烂！蒸有机湿豆豉北海道扇贝豆豉汁好香，少少既咸味，带起扇贝既鲜味！扇贝好新鲜，大大只，好厚身既肉，爽口，好清甜！蒸贵妃蚌配蕃薯贝又系鲜甜到不得了！！蒸出黎啲汤超鲜味，好好饮！贵妃蚌超爽口，肉质爽甜！蒸拆蟹肉手工玫瑰花生豆腐右边果份，样貌一流，食落似稔身既年糕，好香花生味，加埋面头浓香既蟹肉同樱花虾食，好夹！蒸黑豚露荀卷蔬菜新鲜，尤其是个露荀，好脆口！蒸深海龙趸件好多肉！肉质弹牙，好新鲜！咬落啲皮好多骨胶原既感觉，好厚身！好好食！伴鱼仲有好特别既花生牙同三色椰菜，之前都未见过，有心思！紫葱栗子蒸本地新鲜鸡用少少调味/酒去腌左，虽然蒸左一阵，但全熟，仲好嫩滑！正！蒸青花龙虾龙虾肉新鲜，可以成旧肉起出黎！食落好爽口弹牙！唔需要点任何酱料都好好食！Yu
之前book定位，等厨师预备好食材，有专人帮手控制蒸锅，黎到等食就得！
场内有唔同既饮品同酒，本身唔饮酒，所以无叫。有隔离枱客人开左几支，应该唔错！
先先上演左一场喷火杂技—酒煮赖尿虾加酒落去炒，出晒火，好香酒味！
赖尿虾算大只，好好肉，有少少酒味。肉质爽口同鲜甜，可以成只既肉起出黎而唔会烂！
蒸有机湿豆豉北海道扇贝
豆豉汁好香，少少既咸味，带起扇贝既鲜味！扇贝好新鲜，大大只，好厚身既肉，爽口，好清甜！
蒸贵妃蚌配蕃薯贝
又系鲜甜到不得了！！蒸出黎啲汤超鲜味，好好饮！贵妃蚌超爽口，肉质爽甜！
蒸拆蟹肉手工玫瑰花生豆腐
右边果份，样貌一流，食落似稔身既年糕，好香花生味，加埋面头浓香既蟹肉同樱花虾食，好夹！
蒸黑豚露荀卷
蔬菜新鲜，尤其是个露荀，好脆口！
蒸深海龙趸件
好多肉！肉质弹牙，好新鲜！咬落啲皮好多骨胶原既感觉，好厚身！好好食！伴鱼仲有好特别既花生牙同三色椰菜，之前都未见过，有心思！
紫葱栗子蒸本地新鲜鸡
用少少调味/酒去腌左，虽然蒸左一阵，但全熟，仲好嫩滑！正！
蒸青花龙虾
龙虾肉新鲜，可以成旧肉起出黎！食落好爽口弹牙！唔需要点任何酱料都好好食！
Yummy!
樱花虾黑豚南瓜十六壳
锅底系日本十六谷米+南瓜、樱花虾、粟米同黑豚。食到最后个粥已经煮好，精华既所在！！完全无加过调味，但已经好够，好鲜甜！夹杂住樱花虾既香味！正！
柠檬雪芭
黎一个完美既结局！雪芭酸酸甜甜，好幼滑，香柠檬味，用佢黎结尾一流！
系一间好值得推介既蒸气㶽，服务同食物质素都一流！尤其是啲海鲜，好新鲜，好清甜，时间控制得好好！人多仲可以包场！推荐！
张贴
