一生懸麵

营业中

休息中

已经唔系第一次嚟帮衬啦，超钟意佢呢度拉面嘅口感。今次嚟叫左白汤豚骨拉面，仲有辛辣拉面。白汤豚骨拉面汤底都几浓味，够热，配上软硬度适中嘅拉面，入口感觉更爽口。溏心蛋做到流心效果。唯独系叉烧偏肥，明乎其实嘅半肥瘦，怕肥腻嘅我，因为太腻，只可以食到一片。但朋友就几钟意佢嘅叉烧，肥得嚟有油脂香，入口够软腍。辛辣拉面比起上次食，感觉无咁辣，上次系入口即刻要饮水解辣，但今次食一啖完全无问题，系可以接受嘅辣。辣汤配拉面都几好食，面条够粗几索汁，嗜辣同汤面控朋友话呢间值得再次帮衬，口感同味道都贴近日本嘅味道。个人几钟意佢配埋嘅椰菜，浸了辣汤，但又唔会太索汤，易入口，几好味。