陳儀興尚潮樓 (太子道西)

营业中

休息中

香港潮州菜一向唔少，我就觉得正宗味道最重要，一睇Menu已经知呢度菜式够哂传统，决定入去试下🤤鹅三宝鹅肝真系食到入口即化嘅感觉，比起法国鹅肝更胜一筹，𠮶种滑嫩同幼细质感并唔系粉粉哋，可见呢度嘅师傅手艺炉火纯青。另外，佢哋嘅鹅肠肥膏刮得几干净，最啱我呢啲减紧肥嘅美女☝️梅汁鳝球梅汁甜甜酸酸十分开胃，均匀地铺盖住肥美弹牙嘅白鳝球上，食落口感层次丰富，更难能可贵嘅系鳝球嘅骨头处理得特别干净，即使唔太中意食鱼惊多骨嘅朋友都可以轻松品尝到👍👍👍咸菜胡椒浸台山蚝呢道菜将咸菜嘅咸香同肥美鲜甜嘅台山蚝完美融合，汤汁饮落醇厚浓郁，台山蚝大大粒堪称大满足。青橄榄海螺汤橄榄味道清新，海螺味突出同时充满咸鲜味，汤头十分够味，清得嚟饮得出火喉。芥兰粒菜甫炒棵条镬气绝对有保证，芥兰特别用咗切粒嘅方式配合饭炒至粒粒分明，唔食芥兰嘅我都觉得咁样煮法唔会苦，加上餐厅特制嘅辣椒酱一齐食，更加惹味。十分推荐大家嚟太子呢间传统潮州菜馆试试，包你觉得正宗，记得睇定menu，有啲特别嘅菜式要提早预订㗎！