盛宴

营业中

休息中

一行5 人试咗佢哋嘅$132餐。一个字：饿首先，佢哋嘅火锅分量仲少过吉野家嘅火锅餐，女仔食完都觉得唔够饱。5-6片猪肉／牛肉1只青口1只带子2只虾（有黑色虾肠）2条蟹柳1粒虾滑2粒鱼皮饺1个蔬菜杯（2块生菜，2块娃娃菜，1块南瓜，1块薄过纸嘅红萝卜片）半个乌冬（碎上）一罐汽水（冇无糖）坐低之后，我哋等咗将近半个钟先上菜，上漏咗一碟牛肉，我哋问返个楼面，佢竟然反问我哋点解会争一碟…. 点答? 酱料只系得豉油、麻酱同柚子醋拣，楼面话因为唔系传统火锅，所以冇其他料供应。 食物质素好一般，肉多肥膏，虾有黑色虾肠，半个乌冬大部份系乌冬碎，点渌？ 仲要成枱只有一个汤壳。 用餐过程好大压力，成餐饭D楼面系同你斗快. 喺你周围行黎行去，见有吉碗就9秒9想埋黎收走。最过份系我哋未食完，楼面已经要上甜品。而甜品系一枝甜筒，放喺个锅旁边，未食已溶。 楼面姐姐讲得啱，果然唔系传统火锅，出面真系未食过。By the way，最后埋单要收原价($188)嘅加一，间野集团系ClubOne。