影片
更多
2018-05-06
575 浏览
星期日天朗气清，与男友俩谂住喺观塘可以揾间蚝吧食个tea﹐黎左观塘工厦嘅哩间The Fat Oyster试下，一入到去就被邀去到蚝柜前落order﹐一看蚝柜嘅蚝都被毛巾概住，咩都睇唔到，而眼前一个个A4 size嘅纯文字餐牌感觉有点杂乱，但蚝种类繁多，亦有蚝种嘅口味分析，尚算details。见到不同蚝餐，主要以数目定价：有一只、半打以及一打的价钱，7点半前选购一打同款蚝更会送半打。我同男友两人谂住轻食，但系好似嗌咩无咩，终于嗌中有货要半打，女服务员又会不断以警告你嘅声线话你知"半打无得送架㖞！" 最后我地点左半打法国Pusse de Claire和半打White Pearl﹐2只试食价嘅日本带子、2只试食价的法国Pinky Jumbo和2杯白酒。期间女服务员解释蚝种类时嘅嫌弃面容的确令我们失望，大家只好寄望等阵嘅蚝系会好好食。行到到蚝柜另一边俾钱之后，就坐低等食。先黎左White Pearl和白酒，White Pearl不错，虽然唔新鲜，但鲜甜，而白酒却很一般，略带点"水喉水"嘅味道。之后嘅Pusse de Claire同Pinky Jumbo都非常有惊喜；前者似淡味嘅Gillarde
见到不同蚝餐，主要以数目定价：有一只、半打以及一打的价钱，7点半前选购一打同款蚝更会送半打。我同男友两人谂住轻食，但系好似嗌咩无咩，终于嗌中有货要半打，女服务员又会不断以警告你嘅声线话你知"半打无得送架㖞！"
最后我地点左半打法国Pusse de Claire和半打White Pearl﹐2只试食价嘅日本带子、2只试食价的法国Pinky Jumbo和2杯白酒。期间女服务员解释蚝种类时嘅嫌弃面容的确令我们失望，大家只好寄望等阵嘅蚝系会好好食。行到到蚝柜另一边俾钱之后，就坐低等食。
先黎左White Pearl和白酒，White Pearl不错，虽然唔新鲜，但鲜甜，而白酒却很一般，略带点"水喉水"嘅味道。之后嘅Pusse de Claire同Pinky Jumbo都非常有惊喜；前者似淡味嘅Gillardeau﹐但鲜甜，唔会好重海水味，又唔会creamy (个人较喜欢爽口又唔thick嘅蚝)﹐Pinky Jumbo更系好食，大只而且非常鲜甜，有点nutty flavour且有回甘嘅味道，绝对推介！而日本带子就真系比较失望，未完全解冻之如，亦无乜鲜味，不吃也摆。
吃完后未够喉，谂住多点4-6只蚝，我行到去蚝柜，女服务员问系咪想加野食，
我指著"试食餐牌"话 「系啊，我想点多2只试食嘅法国Majestic蚝再加一板韩国海胆。」
女服务员立刻阻止「唔得啊，你点过试食蚝喇！无得再点！」
我有点唔明，就问 「喔，即系试食过唔可以再点哩个试食牌？」
女服务员板左个嫌弃样，立即话 ｢你点过哩只Pinky Jumbo 嘛，就唔可以再点其他蚝啰，每人只可以点试食蚝一次啊！即系 .... (下删50字)｣
我话 ｢好嘅好嘅，咁海胆我可以点嘛？｣
佢特然大声话 ｢得！但系我地无咋嘛！！」
立时呆了，然后女服务员就转身无理我，感觉一面屁，只是想多点一啲野食，但好似比人睇低食平野咁，服务态度差得爆灯。
中途都听到唔少女服务员对客人嘅意见，若果对客人有咩埋怨嘅话，请不要选择喺open kitchen位置大声批评，另一位看似老板的男士更与女服务员以英文讨论，可能觉得讲英文的话，其他人就听不懂，非常unprofessional之如，亦非常之唔respect。也难怪，女服务员的轻挑态度，相信是老板的纵容。
纵使食物有几好食，但赶客嘅服务态度真系令我不得不写评论。看到不少openrice 会员对此餐厅的负评，竟然确有此事。The Fat Oyster 绝对令我对餐厅服务态度的重要性而改观。
想去The Fat Oyster吗？ 不介意服务差的话就去吧！
张贴
