酒鍋 (V Point) (已結業)

今日happy Friday同朋友一齐试下呢间酒锅，放题入面佢都真系好高质，今次撞岩系牛气冲天呢个餐，岩哂钟意食牛既我地!一嚟到我地拣咗芫茜皮蛋同埋沙嗲，汤底好浓而且香味一足! 成个餐放得好精致，围住个炉咁放，加上烟雾既效果，真系打卡一流!牛肉既质素非常高，有牛小排，牛展同埋牛脷外仲有好少见既牛胸爽，牛肉味好浓而且每件牛既肉质都系淋滑，好满足!另外仲有芝士肠、手打虾丸同墨鱼丸加上大量菇同埋饺，两个人食一定够饱! 两款丸因为手打既关系所以好弹牙又多汁，饺方面亦都做到皮薄馅料多，特别既系有款芝士紫菜虾蟹饺，芝士味突出好岩打边炉!另外仲有炸鱼皮，都系新鲜脆卜卜。呢到环境望海而且气氛都好好，食饭倾计一流!