影片
更多
2024-08-05
247 浏览
多数都两个人以上至会食蒸气火锅，但你哋有无谂过一个人都可以食到蒸气火锅？ 呢间餐厅就打破咗呢个框框，佢哋提供一人一蒸气锅，够哂癫🤪八府巡按套餐 $488呢个套餐真系好夸张，记住系一人份㖞😂 套餐包括沙律，芝麻鸡翼，鸡软骨饺子（各一），白蚬，虾，北寄贝，鲍鱼，元贝，扁蛏子，鲜鱼片，龙虾（半只），圣子皇（1只），安格斯牛肉，豚肉片，三宝丸＋时蔬拼盘，南瓜芋头粥当中肉类同主食仲有其他嘢拣嘅，佢哋仲可以+$1换购鲍鱼，枱面上面黐住一张时间表，清楚列明每种类嘅海鲜食物需要蒸几耐，跟住个时间表嚟蒸就冇死👍🏻 海鲜基本上都好新鲜，贝类蒸出嚟全部都胀卜卜好鲜甜，主打嘅龙虾肉同蛏子王都非常爽弹鲜甜，肉类方面，虽然唔系主打，但质素都唔错，最尾嘅南瓜粥系精华，啖啖都好鲜甜🤤九品芝麻套餐 $258呢个餐都有加一蚊换购鲍鱼，无咗八府巡按套餐嘅龙虾、圣子皇、北寄贝同元贝，但就有大蚬，都好鲜甜，小食系章鱼烧，主食叫咗原味鱼汤米线，南瓜粥会再入味啲😛总括嚟讲，一个人食嘅蒸气火锅真系唔多，呢度啲海鲜仲要超级新鲜，价钱收费都算合理，绝对可以一战👏🏻
八府巡按套餐 $488
呢个套餐真系好夸张，记住系一人份㖞😂 套餐包括沙律，芝麻鸡翼，鸡软骨饺子（各一），白蚬，虾，北寄贝，鲍鱼，元贝，扁蛏子，鲜鱼片，龙虾（半只），圣子皇（1只），安格斯牛肉，豚肉片，三宝丸＋时蔬拼盘，南瓜芋头粥
当中肉类同主食仲有其他嘢拣嘅，佢哋仲可以+$1换购鲍鱼，枱面上面黐住一张时间表，清楚列明每种类嘅海鲜食物需要蒸几耐，跟住个时间表嚟蒸就冇死👍🏻 海鲜基本上都好新鲜，贝类蒸出嚟全部都胀卜卜好鲜甜，主打嘅龙虾肉同蛏子王都非常爽弹鲜甜，肉类方面，虽然唔系主打，但质素都唔错，最尾嘅南瓜粥系精华，啖啖都好鲜甜🤤
九品芝麻套餐 $258
呢个餐都有加一蚊换购鲍鱼，无咗八府巡按套餐嘅龙虾、圣子皇、北寄贝同元贝，但就有大蚬，都好鲜甜，小食系章鱼烧，主食叫咗原味鱼汤米线，南瓜粥会再入味啲😛
总括嚟讲，一个人食嘅蒸气火锅真系唔多，呢度啲海鲜仲要超级新鲜，价钱收费都算合理，绝对可以一战👏🏻
张贴
