影片
更多
2024-01-04
1218 浏览
天气冻梗系食火锅啦！呢间我都系第一次帮衬，估唔到咁高水准，地方够大又阔落，而家做紧优惠星期一至日套餐7折单点85折，星期一至四全单78折，五六日就全单88折，见有折食豪D😂汤㶽海南椰子鸡（半只）$168汤底好大㶽仲劲足材料又香又浓椰子🥥鸡、粟米、云耳、雪耳、红枣。感觉得好滋润，再配半份新鲜鸡，用上花雕酒腌制特别香，鸡肉仲好鲜嫩多汁，啖汤好甜好满足呀！😋特价台山桶蚝5只 $148蚝最紧要新鲜，每只都又肥又大又厚肉，大大只好饱满，口感鲜甜爆汁有海水味。顶级安格斯牛肉$178钟意食牛一定要叫，其实店内有几款不同牛部位可以叫。我钟意安格斯牛雪花分布均匀，灼几秒就已经可以食，有口感牛肉鲜嫩唔靭仲好腍。新鲜猪润$68灼一灼就可以食好滑、鲜嫩。椒盐鱿鱼须$88大量炸蒜作为餐前小食一流，鱿鱼条条手指咁粗，送啤酒伴食无得输。古早味墨鱼丸$108自家制手打墨鱼丸一碟有八粒，食到一粒粒墨鱼肉，真材实料。大大粒云吞$78云吞店家自制，每一粒都有两只大虾。仲有好香鲣鱼肉做馅料，云吞爽口弹牙必试。特大新鲜果茶$68卖相吸引用来打卡一流，有水果肉还有干果及柚子梳打，酸酸甜甜好解喝呀！☺️
汤㶽海南椰子鸡（半只）$168
汤底好大㶽仲劲足材料又香又浓椰子🥥鸡、粟米、云耳、雪耳、红枣。感觉得好滋润，再配半份新鲜鸡，用上花雕酒腌制特别香，鸡肉仲好鲜嫩多汁，啖汤好甜好满足呀！😋
特价台山桶蚝5只 $148
蚝最紧要新鲜，每只都又肥又大又厚肉，大大只好饱满，口感鲜甜爆汁有海水味。
顶级安格斯牛肉$178
钟意食牛一定要叫，其实店内有几款不同牛部位可以叫。我钟意安格斯牛雪花分布均匀，灼几秒就已经可以食，有口感牛肉鲜嫩唔靭仲好腍。
新鲜猪润$68
灼一灼就可以食好滑、鲜嫩。
椒盐鱿鱼须$88
大量炸蒜作为餐前小食一流，鱿鱼条条手指咁粗，送啤酒伴食无得输。
古早味墨鱼丸$108
自家制手打墨鱼丸一碟有八粒，食到一粒粒墨鱼肉，真材实料。
大大粒云吞$78
云吞店家自制，每一粒都有两只大虾。仲有好香鲣鱼肉做馅料，云吞爽口弹牙必试。
特大新鲜果茶$68
卖相吸引用来打卡一流，有水果肉还有干果及柚子梳打，酸酸甜甜好解喝呀！☺️
张贴
