Forkers (已搬遷) 新店位置

好耐无唔试过食饭食得咁开心，因为真系觉得呢间餐厅真系好好食又唔贵，真系好值得推介。呢间餐厅喺土瓜湾，座位唔算多但系装修干净企理，食得好舒服自在。食物方面，首先上既前菜系西班牙黑毛猪拼盘，我地拣左36月熟成既，上菜果时经餐厅老板介绍得知，拼盘用既伊比利亚黑毛猪系餐厅喺西班牙投资既农场养既猪黎，所以有质素保证，食落都真系好香，有浓厚既橡果甜味，配埋个蒜蓉包食真系无得弹。跟住系香蒜西班牙橡果饲养黑毛猪腊肉肠炒虎虾，餐厅用上黑毛猪既猪油黎炒，令到虎虾特别香口特别入味，加上虎虾本身炒得爽口弹牙，真系好好味！蕃茄汤真系有茄蓉，感觉好fresh。沙律同薯条可以无限refill, 薯条好香黑松露既味道，好香脆。主菜叫左烧湿熟成美国牛肩，牛肩有别于其他部位，特别有口感特别重牛味，慢慢细味更有滋味。西班牙棕毛猪肩胛都系好口感，相比起牛肩呢份猪肩胛较软，更加入味，一试难忘。最后用上一杯Earl Grey tea同芝士蛋糕做总结。呢餐绝对系我食过其中一餐最好食既西餐之一。