Lemongrass (已結業)

今晚放左工，约左老死食晚饭，心想今晚食咩好？老死提议去呢间食泰菜，佢话咁啱见到水牌，想试下。餐厅在希慎12楼，好钟意餐厅的木枱和木椅子，配上果绿色背景，简约又自然，感觉舒适轻松。蔗虾来了！哗！好大只虾锤，啖啖肉又弹牙，反而蔗身幼左D，蘸上鸡酱来吃，开胃又可以提鲜。泰式烧猪手，我钟意佢个皮，香脆中会有卤水味，配埋炸薯角，够晒风味。辣椒膏炒大蚬，十分辣，带点酸，汁浓好惹味，蚬肉大只，好鲜味又烟韧。我和老死都叫左杯拉茶，味道有点甜，不过好香茶味，无奶茶咁滑，下次要少甜会更好喝。呢间泰国菜水准不错，服务颇好。