鮨見 (已結業)

成日都想试吓厨师发板嘅日本料理，因为菜单全部有厨师话事，主要系以当天最新鲜嘅食材提供比客人，所以客人会有惊喜，因为你唔知下一道菜系乜嘢。今次就拣咗喺尖沙咀亚士厘道鮨见日本料理，餐厅位置好易揾，厨师系日本人，用英文沟通绝对冇问题，十分方便顾客，而且厨师会解释每一道菜嘅食材。整体环境干净简洁，好有日本气氛，同埋都比较宁静，系一间会令人愿意系入边稍作休息嘅餐厅。食物整体唔差，我哋选择咗hkd1788一位嘅套餐，整体来讲都比较新鲜，但个人比较推荐当中嘅海胆杯、日本哈密瓜、茶碗蒸同埋前菜𩽾𩾌鱼干。𩽾𩾌鱼干味道酸酸甜甜， 虽然鱼干味浓，但十分顺囗，开胃！海胆杯嘅卖相唔差，内有一层又一层海胆，十分吸引且味道鲜甜，而且海胆亦是从北海道来的，新鲜且不腻。茶碗蒸口感细滑，但内有香菇鸡肉虾等配料，造成一层层不同的口感且味道不会太浓，十分推荐！作为最后的甜品，日本哈密瓜实在太适合不过。味道清甜，能和味道较重的食物造成平衡，切合顾客的心态。