90s Lazy (先施大廈) (已結業)

喺「五一黄色周」，想尽量唔拣大黄店，而系揾楼上café或其他小食店 。大家都真系好支持，我哋1500左右到，full左，要等5张枱，所以留电话，有枱会打俾我哋。等左50分钟左右有枱。价钱便宜，份量唔好期望过高，味道不过不失。首先上枱嘅系饮品：热咖啡（右）☕️唔似系机冲，咖啡混浊，味道偏淡。。热红枣茶（左）🍵味道比较清淡，但有红枣粉可以咬。I don’t care 我唔理$58🍳貌相上有齐晒menu 上写嘅食物，只系香草猪肉肠就比较幼细，其他都ok；味度方面，除左炒蛋系暖暖哋，其他食物都系室温；味道不过不失。黑松露忌廉意大利粉$55🍝味道普普通通，份量系女仔size 偏细。以下分享系超个人嘅，因为我怕食生洋葱，而佢𠮶啲好大粒，所以觉得麻麻哋。啤酒薯条配黑松露酱$52🍟哩碟系3碟入面最新鲜热辣嘅一石，条条都脆卜卜架，薯条上面加左spice，有好少好少嘅辣味。两个人share 黎讲，有啲大碟。个黑松露酱比较重mayonnaise味。