泰越概念 (已結業)

泰越概念地方新净，两旁有落地玻璃，餐厅非常光猛，座位宽阔，装修简洁，环境都几清净，侍应招呼殷勤，经常帮我地添水，呢度食嘅系泰越Fusion 菜，睇完餐牌之后，觉得应该系泰越粤西式混杂，食物价钱几合理，份量亦十足，不过食物嘅质素同味道方面，我觉得有啲唔达标，尤其招牌之一嘅烧春鸡真系太干太硬了，要改善一下，总体嚟讲，都系比较普通，食咗几款食物，当中只有椰汁绿豆冰同香茅金沙黄花鱼系做得比较出色，其他真系乏善足陈。