Corefy (裝修中)

作为榴梿爱好者，见到呢间cafe呢期promote紧猫山王榴梿甜品，梗系唔可以错过啦！ 法式榴梿croffle用牛角酥压成窝夫造型，有牛角酥嘅松脆，同时有窝夫嘅弹性。铺上榴梿果肉同自家制嘅榴梿cream，好香滑。配上自家制榴梿雪糕，成个口腔都系榴梿香味。加咗少量坚果，增加口感层次。 霸气榴梿芭菲杯一样系榴梿果肉、自家制榴梿cream同榴梿雪糕；中间系谷物片，有脆脆口感；下层系爱玉，改良版加咗椰奶冇咁寡，食到最底都有少少甜味。 薄荷青柠梳打因为系真榴梿果肉又有cream，难免会觉得好full。为咗减低饱滞感，可以点一杯薄荷青柠梳打。Me好怕好浓烈嘅薄荷味，好似食紧牙膏咁，但呢杯完全唔会。虽然系剁碎咗啲薄荷叶，但唔会好刺激，反而好清新，可以清爽味蕾。 Cafe嘅自家制榴梿雪糕都好天然，冇落化学添加剂，对人体冇害。另外，除咗大厅之外，cafe亦设有宠物区同小朋友区，非常贴心。店员都好nice，感受到真系想同客人建立关系。