糖佰府 (已結業)

继续为自己送上一点甜，成日都想试一d新既甜品，每次都会有不同惊喜。系九龙城食完晚饭，知道个头咁多甜品点，当然要揾间试下啦！行呀行，见到间「糖佰府」，好似同平时见既「糖百府」唔同，原来个名唔同，menu唔同，完全系唔同，令我更加有兴趣去试，一入门口就有阵阵榴櫣香，算我无黎错地方。我爱榴櫣，更爱榴櫣甜品。除左成日都会有既榴櫣pancake，仲有榴梿忘返，榴金岁月，榴恋天使，听个名，真系估唔到系咩，问左店员之后就知原来系榴梿忘返，豆腐花底榴金岁月，黑糯米底榴恋天使，西米底我拣左榴梿忘返，底层系豆腐花，上面有榴梿肉，圆子，椰果，豆腐花好滑，圆子好有咬口，椰果好Q，几样质地唔同既野放埋一齐！感觉好特别。而主角新鲜既榴梿果肉，劲香，味道好浓郁！食落带点点甘味。呢个甜品既价钱只系38蚊，真系物有所值。下次要再黎试下佢既中式甜品先得。