極尚大喜屋 (鱷魚恤中心)

营业中

休息中

好耐无食过，上网睇见到有榴连主题所以约埋妈咪一齐黎！今次大喜屋有个期间限定榴梿主题，当中有甜品仲有烧榴梿，真系好少系放题餐厅遇到。去到坐低手机点嘢食，一开始当然要点左刺身食先啦，妈咪最钟意食甜虾，点都会叫左先，甜虾新鲜又大只，仲有带子刺身都好新鲜。今次发觉大喜屋放题多左新野，有呢个避风塘鱿鱼须，好惹味。金蒜炭烧广岛蚝，只只都好大又多肉，最紧要又新鲜又惹味。法式蓝莓鹅肝鲍鱼杯我食完又食，因为鹅肝好好味，佢入边有沙律有一块鹅肝，一粒鲍鱼仔，整个配搭都好好食。放题当然唔少得寿司，寿司我都叫咗几款，当中最突出当然系鹅肝塔，饭嘅外面包着芝麻，寿司一啖一件食落口好香鹅肝味。食到咁上下，嚟到今次嘅主角烧金枕头榴梿王，榴梿经过烧完更加有香味，入口更香甜。出面自助甜品区仲有榴梿大福，榴梿布甸同榴梿芝士挞，榴梿大福入口烟烟韧韧，榴梿布甸入口香滑啖啖榴梿味，榴梿芝士挞，估唔到同芝士咁夹。