有檸手打檸檬茶

营业中

休息中

手打柠茶饮得多，但都预咗唔会健康得去边😩 呢间标榜只选用蔗糖，谢绝果糖或兑沟糖浆，新鲜，真材实料，100%零添加零负担，讲到咁劲真系要亲自试吓有冇料到。小店饮品主要分为四大类，柠茶、霸王、芝士奶盖冰沙、咖啡同热饮，有500ML、700ML、1000ML、甜度冰度自行选择，另可加配料，如艾丸小丸子、樱花/青提/桂花味寒天波波，出边比较少见，钟意有咬口嘅不妨试试。佢哋最近推出D197猫山王柠檬茶，榴梿同柠檬茶混合神奇地夹，味道唔会盖过对方，榴梿控千祈唔好错过！特浓油柑都系必点之选，酸甜回柑嘅果香味，令人一试难忘。如果钟意芫荽嘅都可以试试芫荽柠檬茶，真材实料，性价比高。