芒果皇長洲糯米糍 (已結業)

近期热潮长洲长形芒果糯米糍。以我所知，屯门都起码开左三间以上，系间间都卖12蚊粒嘅情况下，我一直都冇帮衬过依间，因为依家系咁多间之中最细粒。直至近期，佢开始买一送一优惠，我就帮衬左两次啦。虽然系买大送细，但都几抵架，都唔系细粒几多。第一次买果阵就试左芒果，芒果唔系粒粒都好甜，耐唔耐会有一粒酸酸地，但芒果就系咁架啦，一粒半粒酸间间都会有架啦，所以可以原谅嘅。而佢个糯米皮就系我最欣赏嘅地方，系咁多间之中最软熟，最香糯米味。依个就系我帮衬第二次嘅原因。今次帮衬就买左榴莲同红豆。佢声称榴莲系猫山皇，但卖十蚊一粒咁平，我就唔多信。一如以往，个糯米皮好好食，榴梿馅就小左dd，但榴莲贵，佢只卖十蚊一粒，咁都明白嘅。但红豆就令人失望啦，内馅比榴莲更小，但红豆咋㖞！？得薄薄一层，都食唔出红豆味。个皮虽然好味，但个馅太小，成粒都系糯米皮，食完好饱肚。红豆就可以唔洗试，榴梿就值得一试。